Wednesday, July 17, 2024
Lenovo

ຫຼວງພະບາງ ອະນຸຍາດ! ໃຫ້ຈັດງານ ບຸນອອກພັນສາ ພ້ອມກິດຈະກຳທີ່ຫຼາກຫຼາຍ.

ກຽມກັບມາອີກຄັ້ງກັບບັນຍາກາດທີ່ຄຶກຄື້ນ ໃນການຈັດງານບຸນອອກພັນສາປະວຳລະນາ ທີ່ ຫຼວງພະບາງ ຫຼັງຈາກທີ່ໂຈະການເຮັດກິດຈະກຳດັ່ງກ່າວມາໄດ້ 2 ປີ ຈາກການລະບາດຂອງ ພະຍາດ ໂຄວິດ-19.

ຫຼ້າສຸດ ຫ້ອງວ່າການແຂວງ ຫຼວງພະບາງ ໄດ້ອອກໜັງສືແຈ້ງການ ເຫັນດີ ໃຫ້ຈັດງານບຸນປະເພນີ ອອກພັນສາປະວໍລະນາ ແລະ ກິດຈະກຳປະກອບໃນງານບຸນດັ່ງກ່າວ ຕາມຮີດຄອງປະເພນີອັນດີງາມ ຂອງຊາວຫຼວງພະບາງ ປະຈຳປີ ພສ 2565 ຄສ 2022 ຕາມແຈ້ງການສະບັບເລກທີ່ 865/ຫວຂ.ຫຼບ ລົງວັນທີ 8 ກັນຍາ 2022 ເຊິ່ງລາຍລະອຽດມີດັ່ງນີ້.

  1. ເຫັນດີ ໃຫ້ມີການຈັດງານບຸນປະເພນີ ອອກພັນສາປະວໍລະນາ ແລະ ກິດຈະກໍາປະກອບໃນງານບຸນດັ່ງກ່າວ ຕາມຮີດຄອງປະເພນີອັນດີງາມຂອງຊາວຫຼວງພະບາງ ທີ່ເຄີຍໄດ້ຈັດຕັ້ງປະຕິບັດຜ່ານມາ;
  2. ໃຫ້ນະຄອນ ຫຼວງພະບາງ, ບັນດາເມືອງ ເອົາໃຈໃສ່ຊີ້ນໍາ-ນໍາພາຢ່າງໃກ້ຊິດ ຕໍ່ກັບການຈັດງານບຸນປະເພນີ ດັ່ງກ່າວ ເປັນຕົ້ນແມ່ນ: ການຈັດງານບຸນໄຫຼເຮືອໄຟ, ລອຍປະທີບ (ກະໂທງ) ຢູ່ນະຄອນ-ຫຼວງພະບາງ, ງານ ບຸນຊ່ວງເຮືອຢູ່ ເມືອງ ຈອມເພັດ,ມືອງຊຽງເງິນ, ເມືອງນານ ແລະ ເມືອງອື່ນໆ (ຖ້າມີ) ຕ້ອງໃຫ້ມີບັນຍາກາດ ເບີກບານມ່ວນຊື່ນ, ຮັກສາໄດ້ຮີດຄອງປະເພນີອັນດີງາມ ທີ່ເປັນມູນເຊື້ອ, ເປັນເອກະລັກສະເພາະຂອງແຕ່ລະທ້ອງຖິ່ນ ໂດຍສະເພາະ ໃຫ້ເອົາໃຈໃສ່ຢ່າງມີຄວາມຮັບຜິດຊອບສູງ ຕໍ່ການຈັດງານບຸນໄຫຼເຮືອໄຟ, ລອຍປະທີບ (ກະໂທງ) ທີ່ນະຄອນ-ຫຼວງພະບາງ ເຊິ່ງແມ່ນຫນຶ່ງໃນກິດຈະກໍາທີ່ໂດດເດັ່ນ, ມີຊື່ສຽງ, ທັງໄດ້ຮັບຄວາມນິຍົມຊົມ ຊອບຈາກນັກທ່ອງທ່ຽວ ທັງພາຍໃນ ແລະ ຕ່າງປະເທດ ທີ່ມາທ່ຽວຊົມ; ປຸກລະດົມການມີສ່ວນຮ່ວມຈາກ ບ້ານ, ສະຖາບັນການສຶກສາ, ຫົວຫນ່ວຍທຸລະກິດ, ພະແນກການ-ອົງ ການຈັດຕັ້ງ, ຊາວຫນຸ່ມ, ນັກສຶກສາ ແລະ ປະຊາຊົນບັນດາເຜົ່າເຂົ້າຮ່ວມງານດັ່ງກ່າວ ໃຫ້ເປັນຂະບວນຟົດຟື້ນ, ມີ ບັນຍາກາດ ແລະ ມີຜົນສໍາເລັດເປັນຢ່າງດີ;
  3. ການສະເຫຼີມສະຫຼອງງານບຸນປະເພນີ ອອກພັນສາປະວໍລະນາ ຢູ່ ນະຄອນ-ຫຼວງພະບາງ, ບັນດາເມືອງ ຕ້ອງຮັບປະກັນຄວາມເປັນລະບຽບຮຽບຮ້ອຍ, ຄວາມສະຫງົບ ແລະ ຄວາມປອດໄພ ຢ່າງເຂັ້ມງວດ;
  4. ໃຫ້ ນະຄອນ-ຫຼວງພະບາງ, ບັນດາເມືອງ ເອົາໃຈໃສ່ໂຄສະນາເຜີຍແຜ່ຜ່ານສື່ຕ່າງໆ ໃຫ້ແຂກທັງພາຍໃນ ແລະ ຕ່າງປະເທດຮັບຮູ້ ເພື່ອດຶງດູດການທ່ອງທ່ຽວ ແລະ ສ້າງລາຍຮັບໃຫ້ແກ່ປະຊາຊົນບັນດາເຜົ່າຊາວຫຼວງພະບາງ;
  5. ໃຫ້ເອົາໃຈໃສ່ຕໍ່ວຽກງານການປ້ອງກັນ, ສະກັດກັ້ນການແຜ່ລະບາດ ຂອງພະຍາດ ໂຄວິດ -19 ຢ່າງເຂັ້ມງວດ.
    ດັ່ງນັ້ນ, ຈຶ່ງໄດ້ແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດຕາມເນື້ອໃນແຈ້ງການນີ້ດ້ວຍ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.