ສປປ ລາວ ແລະ ສປ ຈີນ ຮ່ວມມືກັນໃນໂຄງການລົບລ້າງພະຍາດແກ່ນຕາຂຸ້ນ ໂດຍການຊ່ວຍເຫຼືອລ້າ ຈາກມູນນິທິຊ່ວຍເຫຼືອເຊິ່ງກັນແລະກັນ ຂອງ ສປ ຈີນ ເຊິ່ງໃນພິທີເປີດໂຕ ກໍມີຜູ້ເຂົ້າຮ່ວມຫຼາຍຫຼາຍເຊັ່ນ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ, ທ່ານ ຫຼຽງ ເຈິນ ຢິ່ງ (Leung Chun-ying) ຮອງປະທານສະພາທີ່ ປຶກສາການເມືອງແຫ່ງ ສປ ຈີນ, ປະທານ GX FOUNDATION, ທ່ານ ຈ່ຽງ ຈາຍຕຸ່ງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປ ຈີນ ປະຈຳ ສປປ ລາວ ແລະ ພາກສ່ວນກ່ຽວຂ້ອງ.
ມູນນິທິ GX (GX FOUNDATION) ເເມ່ນໂຄງການ ທີ່ບໍ່ຫວັງຜົນກຳໄລຂອງ ຈີນ ຖືກສ້າງຕັ້ງຂື້ນ ໃນປະເທດ ຮົງກົງ ສປປ ຈີນ ເຊິ່ງຈຸດປະສົງໃນການຊ່ວຍເຫຼືອ ທາງດ້ານການແພດ ເເລະ ສາທາລະນະສຸກສາກົນ ໃຫ້ກັບປະເທດ ທີ່ຢູ່ໃນໜຶ່ງເເລວທາງໜື່ງເສັ້ນທາງ.
ໂຄງການນີ້ ຈະຊ່ວຍໃຫ້ປະຊາຊົນລາວ ຜູ້ທີ່ມີພະຍາດແກ່ນຕາຂຸ້ນທີ່ໄດ້ຮັບການຜ່າຕັດດີແລ້ວຈະມີຊີວິດທີ່ດີຂຶ້ນ ແລະ ຈະເປັນການປະກອບສ່ວນອັນສຳຄັນເຂົ້າໃນການລົບລ້າງພະຍາດແກ່ນຕາຂຸ້ນກໍຄືວຽກງານສາທາລະນະສຸກຂອງ ສປປ ລາວ ເພື່ອບັນລຸເປົ້າໝາຍໃນການປັບປຸງຄຸນນະພາບວີຊິດຂອງປະຊາຊົນລາວອີກຂັ້ນໜຶ່ງ.
ເຊິ່ງຈະໄດ້ເລີ່ມດຳເນີນໃນກາງເດືອນກັນຍາ 2022 ແລະ ໂຄງການຈະເລິ່ມຕົ້ນປະຕິບັດງານສ່ວນໃຫຍ່ແມ່ນປະຕິບັດຢູ່ທີ່ນະຄອນ ຫຼວງວຽງຈັນ (ໂຮງໝໍ 103 ກອງທັບປະຊາຊົນລາວ) ໃນປີທຳອິດ.
ຂໍ້ມູນຈາກ: Lao National Radio