ຕາມການລາຍງານຂອງ ກົມອຸຕຸນິຍົມ ແລະ ອຸທົກກະສາດ ໄດ້ໃຫ້ຮູ້ວ່າ ສະພາບລະດັບນໍ້າຂອງໃນວັນທີ 15 ຫາ 19 ກັນຍາ 2022 ໄດ້ມີການເພີ່ມຂຶ້ນສູງ ໂດຍສະເພາະ ແຂວງ ຫຼວງພະບາງ, ປາກຊັນ, ສະຫວັນນະເຂດ ແລະ ປາກເຊ.
ນອກຈາກນັ້ນ ຕາມຕົວເລກລະດັບນໍ້າທີ່ກົມອຸຕຸນິຍົມໄດ້ລາຍງານ ຍັງໃຫ້ເຫັນເຖິງລະດັບນໍ້າທີ່ຫຼຸດລົງໃນບາງຂົງເຂດ ເຊັ່ນ: ລະດັບນໍ້າຂອງ ໃນແຂວງ ວຽງຈັນ, ທ່າແຂກ, ລະດັບແມ່ນໍ້າເຊບັ້ງໄຟ ຢູ່ມະຫາໄຊ ແລະ ຢູ່ຂົວເຊບັ້ງໄຟ.
ສຳລັບການຄາດຄະເນລະດັບນໍ້າຂອງຈະເຫັນໄດ້ວ່າ: ໃນວັນທີ 20-21 ກັນຍາ 2022 ລະດັບແມ່ນໍ້າຂອງ ແລະ ນໍ້າເຊບັ້ງໄຟ ແມ່ນຍັງບາງເຂດທີ່ມີລະດັບນໍ້າທີ່ເພີ່ມຂຶ້ນ ແຕ່ກໍຍັງຢູ່ໃນລະດັບປົກກະຕິ ຍັງບໍ່ເຖິງຂັ້ນເຕືອນໄພ.
Hits: 11
