ກົມນະໂຍບາຍ ແລະ ແຜນພະລັງງານ, ກະຊວງພະລັງງານ ແລະ ບໍ່ແຮ່ ໄດ້ໃຫ້ຮູ້ວ່າ: ໃນວັນທີ 28 ກັນຍາ 2022 ທາງເຂື່ອນ ໄຟຟ້າເຊລະນອງ 1 ມີແຜນຈະເປີດປະຕູນານອງ ເພື່ອລະບາຍນໍ້າ ອອກຈາກ ອ່າງເກັບນໍ້າຂອງເຂື່ອນ.
ເນື່ອງຈາກປັດຈຸບັນລະດັບນໍ້າຂອງເຂື່ອນ ແມ່ນຢູ່ໃນລະດັບໃຫ້ກັບລະດັບສູງສຸດ ໂດຍຈະປ່ອຍນໍ້າ ອອກຕາມປະລິມານນໍ້າໄຫຼເຂົ້າອ່າງ ເລີ່ມແຕ່ວັນທີ 28 ກັນຍາ 2022 ຫາ 15 ຕຸລາ 2022 ເຂື່ອນໄຟຟ້າເຊລະນອງ1 ປ່ອຍ 500 ms ຫາ 8500 ms ລວມທັງຜ່ານກົງຫັນຜະລິດໄຟຟ້າ.
ພ້ອມນີ້ ໃນໄລຍະດັ່ງກ່າວກໍ່ມີພາຍຸພັດຜ່ານ ຊຶ່ງຈະເຮັດ ລະດັບນໍ້າຢູ່ຕອນລຸ່ມຂອງ ເຂື່ອນສູງຂື້ນຢ່າງກະທັນຫັນການປ່ອຍແມ່ນຈະປ່ອຍເລີ່ມຈາກ 159.77 m/s ຈະປ່ຽນແປງຕາມ ສະພາບຕົວຈິງ.
ດັ່ງນັ້ນ, ເພື່ອເປັນການຮັບຈາກຜົນກະທົບທີ່ອາດຈະເກີດຂື້ນໃນເຂດພື້ນທີ່ຕອນລຸ່ມເຂື່ອນ ແລະ ຕາມ ສາຍນ້ຳເຊລະນອງ 1 ເຊບັ້ງຫ້ຽງ ທາງກົມນະໂຍບາຍ ແລະ ແຜນພະລັງງານ, ກະຊວງພະລັງງານ ແລະ ບໍ່ແຮ່ ຈຶ່ງໄດ້ແຈ້ງການໃຫ້ຊາບ ເພື່ອກະກຽມຮັບມື.
