ເຈົ້າໜ້າທີ່ຕຳຫຼວດ ປກສ ແຂວງຈຳປາສັກ ກັກຕົວກຸ່ມເປົ້າໝາຍມົ້ວສຸມ ແລະ ຄ້າຂາຍຢາເສບຕິດໄດ້ຈຳນວນ 10 ຄົນ ເຊິ່ງໃນນັ້ນມີເຍົາວະຊົນ ທີ່ອາຍຸບໍ່ເກີນ 18 ປີ 2 ຄົນ, ພ້ອມຂອງກາງຢາບ້າ 1.233 ເມັດ.
ຕາມການລາຍງານຂອງເຈົ້າໜ້າທີ່ພະແນກຕຳຫຼວດສະກັດກັ້ນແລະຕ້ານຢາເສບຕິດ ປກສ ແຂວງຈຳປາສັກ ໃຫ້ຮູ້ວ່າ: ໃນຄັ້ງວັນທີ 28 ຕຸລາ 2022 ເວລາ 13:00 ນາທີ ເຈົ້າໜ້າທີ່ຕຳຫຼວດວິຊາສະເພາະໄດ້ຮັບການລາຍງານຈາກພົນລະເມືອງດີວ່າ: ມີກຸ່ມຄົນບໍ່ດີຈຳນວນໜື່ງເຄື່ອນໄຫວ ມົ້ວສຸມ ແລະ ຄ້າຂາຍຢາເສບຕິດ ຢູ່ເຂດບ້ານໂຊກອຳນວຍ ນະຄອນປາກເຊ ແຂວງຈຳປາສັກ ດັ່ງນັ້ນ, ເຈົ້າໜ້າທີ່ຈື່ງໄດ້ປະສານສົມທົບກັບພາກສ່ວນທີ່ກ່ຽວຂ້ອງ ລົງຕິດຕາມກວດກາສະຖານທີ່ດັ່ງກ່າວເຫັນວ່າມີມູນຄວາມຈິງ.
ຈາກນັ້ນ, ຈື່ງໄດ້ສົມທົບກັບພາກສ່ວນກ່ຽວຂ້ອງລົງມ້າງຄະດີ ສາມາດກັກຕົວເປົ້າໝາຍໄດ້ 10 ຄົນຄື:
ເຊິ່ງຄະດີດັ່ງກ່າວແມ່ນຍັງຢູ່ໃນຂັ້ນຕອນ ສຳນວນ, ສຳເນົາເອກະສານເພື່ອສົ່ງຟ້ອງ ອົງການໄອຍະການປະຊາຊົນ ແຂວງຈຳປາສັກ ດຳເນີນຄະດີຕາມຂັ້ນຕອນຂອງກົດໝາຍ.
ຂໍ້ມູນຈາກ: ຫ້ອງຂ່າວກອງບັນຊາການ ປກສ ແຂວງຈຳປາສັກ