ໃກ້ຮອດວັນຊາດ ວັນທີ 2 ທັນວາ ຄົບຮອບ 47 ປີ ອົງການຕ່າງໆ ແລະ ເຂດບ້ານກໍໄດ້ພ້ອມກັນ ປະດັບປະດາທຸງຊາດ, ທຸງພັກ, ທຸງທີວ ຢ່າງສວຍງາມ ເພື່ອກະກຽມຂໍ່ານັບຮັບຕ້ອນ ແລະ ສະເຫຼີມສະຫຼອງວັນດັ່ງກ່າວ.
ໃນທຸກໆປີ ຈະມີການສ້າງຂະບວນການຕ່າງໆເພື່ອຂໍ່ານັບຮັບຕ້ອນເຊັ່ນ ການສ້າງຂະບວນການອອກແຮງງານລວມ, ອະນາໄມອ້ອມຂ້າງສໍານັກງານຕ່າງໆ, ທາສີສຳນັກງານ, ຮົ້ວ ແລະ ມີການປະດັບປະດາ ປະດັບປະດາດ້ວຍດອກໄຟແສງສີ, ປັກທຸງຊາດ, ທຸງພັກ, ທຸງທີວ ຢູ່ແຄມຖະໜົນຫົນທາງ ແລະ ສະຖານທີ່ສຳຄັນຕ່າງໆ ໃນຕົວເມືອງ ແລະ ສະຖານທີ່ທ່ອງທ່ຽວ, ສວນສາທາລະນະທີ່ສຳຄັນອື່ນໆ ຢ່າງສວຍງາມ
ເພື່ອສະແດງເຖິງຄວາມເອກອ້າງທະນົງໃຈ ແລະ ຄວາມເປັນຊາດລາວ ໃຫ້ແຂກທັງພາຍໃນ ແລະ ຕ່າງປະເທດໄດ້ເຫັນຄວາມຮຸ່ງເຮືອງສີວິໄລຂອງປະເທດຊາດລາວເຮົາ.
ພ້ອມນີ້ ກໍຈະມີກຳລັງປ້ອງກັນຊາດ-ປ້ອງກັນຄວາມສະຫງົບ ເອົາໃຈໃສ່ຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ທັງພ້ອມກັນເປັນເຈົ້າການຕ້ານ ແລະ ສະກັດກັ້ນ ກຸ່ມຄົນບໍ່ດີໃນສັງຄົມ.
