ໃກ້ເຂົ້າມາແລ້ວກັບຜົນງານແຂ່ງຂັນຮອບ Final ຂອງ Miss Universe ໃນວັນທີ 14 ມັງກອນ 2023 ທີ່ຈະມາເຖິງ ເຊິ່ງຕາມໂມງປະເທດລາວເຮົາແມ່ນ ຖືກວັນທີ 15 ມັງກອນ 2023 ມົງກຸດທີ່ມີພຽງໜຶ່ງດຽວທີ່ຈະໃສ່ໃຫ້ກັບ ຜູ້ທີ່ຖືກເລືອກມາຈາກຫຼາຍຮ້ອຍຄົນທີ່ເຂົ້າຊີງມົງລະດັບປະເທດກ່ອນຈະເລືອກໄດ້ປະເທດລະ 1 ຄົນ ເພື່ອມາປະກວດລະດັບໂລກ.
ປີນີ້ ມົງກຸດຖືກຕັ້ງຊື່ວ່າ “Force for good” ເປົ້າໝາຍສາວງາມທີ່ຈະສວມມົງຄື ຜູ້ມີແນວຄວາມຄິດດີພ້ອມຈະຂັບເຄື່ອນສັງຄົມສູ່ການພັດທະນາທີ່ດີ.
ມົງກຸດນີ້ຕ້ອງການຜູ້ທີ່ທີ່ຈະສື່ສານເລື່ອງລາວຂອງຜູ້ຍິງທີ່ໃຊ້ສຽງຂອງຕົວເອງສະໜັບສະໜູນໃນເລື່ອງຕົວເອງພັກດັນ ໂດຍໃຫ້ພວກເຂົາສາມາດສ້າງການປ່ຽນແປງຕໍ່ໂລກໃບນີ້ ເປັນການສ້າງແຮງບັນດານໃຈໃຫ້ກັບທຸກຄົນລົງມືເຮັດໃນການເປັນແຮງຂັບເຄື່ອນແຫ່ງຄວາມດີ.