Wednesday, July 17, 2024
Lenovo

6 ວິທີຂອງການແບ່ງເວລາ ທີ່ຈະເຮັດໃຫ້ມີເວລາໃນການໃຊ້ຊີວິດຫຼາຍຂຶ້ນ

ການໃຊ້ເວລາ 24 ຊົ່ວໂມງ ໃນແຕ່ລະມື້ໃຫ້ເຕັມທີ່, ເຮັດໃຫ້ເກີດປະໂຫຍດທັງໜ້າທີ່ວຽກງານ ແລະ ຊີວິດສ່ວນຕົວ ຈຳເປັນຈະຕ້ອງຮູ້ຈັກບໍລິຫານເວລາ ໃຫ້ມີປະສິດທິພາບ ເຊິ່ງຄົນລຸ້ນໃໝ່ກຳລັງຢູ່ໃນຍຸກ ທີ່ໂລກໝຸນໄປກັບເທັກໂນໂລຍີ່ໃໝ່ໆ ແລະ ວຽກງານທີ່ຫຼາກຫຼາຍເຂົ້າມາ ໃຫ້ເຮັດຕະຫຼອດ ມື້ນີ້ເຮົາຈະພາມາຮູ້ຈັກກັບ 6 ວິທີແບ່ງເວລາ ທີ່ຈະເຮັດໃຫ້ມີເວລາໃຊ້ຊີວິດຫຼາຍຂຶ້ນ  ແລະ ເຮັດໃຫ້ການໃຊ້ຊີວິດງ່າຍຂຶ້ນມາຝາກກັນ.

  • ຕື່ນນອນແຕ່ເຊົ້າ: ແນ່ນອນວ່າເມື່ອເຮົາຕື່ນນອນແຕ່ເຊົ້າ ເຮົາກໍຈະມີເວລາຫຼາຍກວ່າຄົນອື່ນ, ມີເວລາວາງແຜນຊີວິດຫຼາຍຂຶ້ນ ແຕ່ຈະຕື່ນເຊົ້າພຽງໃດ ກໍຂຶ້ນຢູ່ກັບການຈັດການຂອງແຕ່ລະຄົນ ແຕ່ຕ້ອງພິຈາລະນາໃຫ້ເໝາະສົມກັບການແບ່ງເວລາ ນອກຈາກນີ້ການຕື່ນເຊົ້າ ຍັງສາມາດເຮັດໃຫ້ເຮົາສາມາດຈັດການຊີວິດສ່ວນຕົວຢ່າງມີຄຸນນະພາບ ບໍ່ວ່າຈະເປັນການມີເວລາກິນອາຫານເຊົ້າ, ການເດີນທາງໄປເຮັດວຽກແບບສະບາຍສະບາຍ ຫຼືການອອກກຳລັງກາຍເປັນຕົ້ນ.
  • ຈັດຕາຕະລາງເວລາ: ໃນມື້ໜຶ່ງເຮົາຈະຕ້ອງເຮັດຫຍັງແດ່ ແລ້ວຂຽນກິດຈະກຳຕ່າງໆ ລົງໄປໃນແຕ່ລະຊ່ວງເວລາ ໂດຍຈັດວຽກທີ່ຕ້ອງໃຊ້ຄວາມຄິດສ້າງສັນໄວ້ໃນຊ່ວງເຊົ້າ ແລ້ວວາງວຽກອື່ນໄວ້ໃນຊ່ວງສວາຍ ກໍຈະຊ່ວຍໃຫ້ຈັດການເລື່ອງລາວຕ່າງໆໄດ້ງ່າຍຂຶ້ນ ອີກທັງຍັງເຮັດໃຫ້ເຮົາບໍ່ພາດທຸກວຽກງານສຳຄັນນຳອີກ.
  • ຮຽງລຳດັບຄວາມສຳຄັນ: ເມື່ອມີສິ່ງທີ່ຕ້ອງເຮັດຢູ່ແລ້ວ ສິ່ງທີ່ຕ້ອງເຮັດຕໍ່ໄປ ກໍຄືນຳສິ່ງເຫຼົ່ານັ້ນມາຈັດຮຽງຕາມຄວາມສຳຄັນ ຈາກຫຼາຍໄປຫານ້ອຍ ແລະ ມີວຽກໃດທີ່ຕ້ອງເຮັດຢ່າງຕໍ່ເນື່ອງແດ່  ເພື່ອເຮັດໃຫ້ຕົວເຮົາເອງຮູ້ວ່າແຕ່ລະວຽກ ຕ້ອງໃຊ້ເວລາຫຼາຍນ້ອຍພຽງໃດ ແລະ ຄວນແບ່ງເວລາແຕ່ລະວຽກແນວໃດ.
  • ແບ່ງເວລາເຮັດວຽກ ແລະ ເວລາສ່ວນຕົວ: ນີ້ຖືເປັນອີກສິ່ງໜຶ່ງ ທີ່ເຮັດໃຫ້ເຮົາສາມາດຈັດການທັງເລື່ອງວຽກ ແລະ ເລື່ອງສ່ວນຕົວໄດ້ດີຂຶ້ນ ໃນເວລາເຮັດວຽກກໍຄວນໃສ່ສະມາທິເຂົ້າກັບການເຮັດວຽກໃຫ້ເຕັມທີ່, ຕັດຄວາມຄິດເລື່ອງອື່ນອອກໄປໃຫ້ໝົດ ແລະ ຄວນລົມໂທລະສັບສ່ວນຕົວສະເພາະເລື່ອງທີ່ຈຳເປັນ ໃນທາງກັບກັນ ເມື່ອເວລາພັກກໍບໍ່ຄວນວຽກກັບມາ ຍົກເວັ້ນໃນກໍລະນີຈຳເປັນ ເພື່ອໃຊ້ເວລາໃນຄອບຄົວໃຫ້ຫຼາຍທີ່ສຸດເທົ່າທີ່ຈະເຮັດໄດ້.
  • ເຮັດວຽກທີ່ຍາກກ່ອນ: ຫຼາຍຄົນມັກຈະເຮັດວຽກງ່າຍໆໃຫ້ແລ້ວກ່ອນອັນດັບທຳອິດ ກ່ອນທີ່ຈະເຮັດວຽກຍາກ ເພາະວຽກງ່າຍມັກຈະໃຊ້ເວລານ້ອຍ ແລະ ບໍ່ຕ້ອງໃຊ້ຄວາມຄິດຫຼາຍ ແຕ່ໃນຄວາມເປັນຈິງແລ້ວ ຄວນຈະເຮັດວຽກຍາກໃຫ້ສຳເລັດກ່ອນ ເພາະຫຼັງຈາກວຽກນັ້ນຈົບລົງ ເຈົ້າກໍຈະຮູ້ສຶກຜ່ອນຄາຍ ສະບາຍໃຈ ເຮັດໃຫ້ມີແຮງເຮັດວຽກອື່ນຕໍ່ໄປໄດ້.
  • ຊອກເວລາພັກຜ່ອນນຳ: ການພັກຜ່ອນເປັນໜຶ່ງໃນເຄດລັບບໍລິຫານເວລາໃຫ້ມີປະສິດທິພາບ ເພາະການເຮັດວຽກເປັນເວລາຕິດຕໍ່ກັນຫຼາຍ ຈະເຮັດໃຫ້ສະໝອງ ແລະ ສາຍຕາ ເກີດອາການອ່ອນແຮງ ດັ່ງນັ້ນຄວນຊອກຫາເວລາໃຫ້ຮ່າງກາຍ ແລະ ສະໝອງໄດ້ພັກ ຫຼືວາງສາຍຕາຈາກໜ້າຈໍຄ່ອມພີວເຕີ ໃນບາງຄັ້ງປະມານ 5-10 ນາທີ ເພື່ອກະຕຸ້ນຄວາມຄິດ ແລະ ແຮງກາຍແຮງໃຈ ໃຫ້ຮູ້ສຶກສົດຊື່ນ ພ້ອມຮັບມືກັບວຽກໃໝ່ຢູ່ສະເໝີ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.