ເມື່ອກ້າວຂາເຂົ້າມາໃນງານ ທ່ານຈະໄດ້ພົບກັບ ກອງປຶ້ມໃຫຍ່ ສັນຍາລັກຂອງງານທີ່ຢູ່ທາງດ້ານໜ້າ ແລະ ປື້ມຫຼາຍແສນຫົວ ທີ່ຖືກນໍາມາວາງສະແດງ ແລະ ຈັດຈໍາໜ່າຍໂດຍ ບັນກາຮ້ານປື້ມ ແລະ ສໍານັກພິມ ເປັນຕົ້ນແມ່ນ D book, ສອສວ, Siribook, ອໍາມະຕະຂາຍປືື້ມມືສອງ, ຫ້ອງການພັດທະນາປຶ້ມອ່ານ, ດອກເກດ Dokked
ການໄກ, Joylada, ຮ້ານປຶ້ມຮັກອ່ານ, Meedee book, ສູນພາສາຈີນມູ້ຫຼານ, NC Book, ສຳນັກພິມໄວເດັກ, Sujipuli, Book Gardern, Monument Book ແລະ ບັນດາຮ້ານຂາຍອຸປະກອນການສຶກສາ ຮ້ານອາຫານ-ເຄື່ອງດື່ມ ແລະ ພາກສ່ວນບໍລິການຕ່າງໆ.
ບັນຍາກາດງານໃນມື້ນີ້ແມ່ນເຕັມໄປດ້ວຍຄວາມຄຶກຄື້ນ ປະກອບຫຼາຍກິດຈະກໍາທີ່ດໍາເນີນມາຕະຫຼອດວັນ ເຊັ່ນ:
- ການເສວະນາ
- ເວທີເສວະນາ
- ການສະແດງຟ້ອນ, Cover dance
- ປະກາດຜົນການປະກວດການແຂ່ງຂັນວິດີໂອສັ້ນ
- ໂຕ້ວາທີ
- Learning English With Fun
ໃນມື້ຕໍ່ໄປກໍຍັງຈະມີຫຼາຍ ກິດຈະກໍາ ເປັນຕົ້ນແມ່ນ ການເປີດໂຕປຶ້ມໃໝ່, ການບັນຍາຍ /ເສວະນາ /ໂຕ້ວາທີ ການຟ້ອນ, ການປະກວດວິດີໂອ 🎬 ຮູບພາບ📷 ລີວິວປຶ້ມ📖 ຮ້ອງເພງ🎤 ການສະແດງ ກິດຈະກຳແຈກຂອງລາງວັນ.
ບອກໄດ້ເລີຍວ່າທຸກທ່ານທີ່ມາຈະບໍ່ຜິດຫວັງ ນອກຈາກທຸກທ່ານຈະທ່ຽວຊົມບູດ, ຮັບຟັງເສວະນາ, ການສະແດງເທິງເວທີແລ້ວ ຍັງມີອີກຫຼາຍກິດຈະກໍາຈາກບູດໃຫ້ບໍລິການຕ່າງໆ ລວມເຖິງກິດຈະກໍາຖາມ-ຕອບ ຮັບຂອງລາງວັນຈາກສໍານັກພິມດີບຸກ ຮັບຮອງວ່າຈະໄດ້ຮັບທັງຄວາມຮູ້ ແລະ ຄວາມເພີດເພີນຢ່າງແນ່ນອນ.
ງານມະໂຫລານກອງປຶ້ມໃຫຍ່ ແມ່ນຈະຈັດຂຶ້ນທັງໝົດ 5 ວັນ ລະຫວ່າງວັນທີ 8-12 ມີນາ 2023, ສໍາລັບບັນດາທ່ານທີ່ຍັງບໍ່ທັນໄດ້ມາໃນມື້ນີ້ ຍັງມີເວລາຈົນເຖິງວັນຶາທິດ 12 ມີນາ 2023.
ຂ່າວ ແລະ ຮູບພາບຈາກ: ລັດຕິທາ ວົງໄຊ.
Hits: 9
