Samsung ເປີດໂຕໂທລະສັບ Galaxy A14 ພ້ອມກັນ 2 ລຸ້ນ ເປັນເວີຊັນ 4G ແລະ 5G ທັງສອງລຸ້ນອອກແບບມາຄ້າຍໆກັນ ເອົາໃຈຄົນມັກຖ່າຍຮູບດ້ວຍ ກ້ອງໜ້າ 13 ລ້ານພິກເຊວ ພ້ອມກັບກ້ອງຫຼັງ 50 ລ້ານພິກເຊວ ມີຄວາມຈຳ Rom 128GB ແລະ ມາພ້ອມກັບ Ram ສູງສຸດ 8GB (Ram ໃນໂຕ 4GB ຂະຫຍາຍໄດ້ອີກ 4GB ຜ່ານຟີເຈີ Ram Plus).
ຫາກເຮົາເບິ່ງພຽງແຕ່ພາຍນອກ ຈະແຍກບໍ່ອອກເລີຍວ່າແມ່ນລຸ້ນໃດ ເພາະທັງສອງມີຄວາມຄ້າຍກັນ ມີໜ້າຈໍສະແດງຜົນແບບ Infinity-V Display ຄວາມລະອຽດ Full HD+ ຂະໜາດ 6,6 ນິ້ວ, ມີຈໍສະແດງຜົນ 90Hz, ມີຄວາມບາງເທົ່າກັນ 9,1 ແລະ ມີແບັດເຕີລີ້ 5.000mAh ຮອງຮັບສາກໄວ 15W ຜ່ານ USB Type-C ພ້ອມນັ້ນ ທັງສອງລຸ່້ນຍັງມີການຕິດຕັ້ງເຊັນເຊີສະແກນລາຍນິ້ວມື.
ເຊິ່ງທັງສອງລຸ້ນມີຄວາມແຕກຕ່າງກັນພຽງເລັກນ້ອຍເທົ່ານັ້ນ ເຊັ່ນ: ອັດຕາການລີເຟດ 60Hz ກັບ 90Hz, ໜ່ວຍປະມວນຜົນ ຫຼື CPU ແລະ ການຮອງຮັບສັນຍານອິນເຕີເນັດ 4G ກັບ 5G. ສ່ວນເລື່ອງຂອງໜ່ວຍປະມວນຜົນ Samsung Galaxy A14 4G ໃຊ້ໜ່ວຍປະມວນຜົນ Exynos 850 ສ່ວນ Samsung Galaxy A14 5G ໃຊ້ໜ່ວຍປະມວນຜົນ MediaTek Dimensity 700.
ສຳລັບລາຄາທີ່ວາງຂາຍ Samsung Galaxy A14 4G ແມ່ນ 5.999 ບາດ (3.000.000 ກີບ) ແລະ Samsung Galaxy A14 5G ແມ່ນ 6.999 ບາດ (3.500.000 ກີບ) ເບິ່ງຂໍ້ມູນຂ້າງເທິງແລ້ວສົມທຽບເບິ່ງວ່າ ເຮົາຈະຊື້ລຸ້ນໃດ ສະເປັກໃດ ຈຶ່ງຈະຄຸ້ມກັບເງິນທີ່ເຮົາມີ.