Monday, July 15, 2024
Lenovo

ຈະຮູ້ໄດ້ແນວໃດ ວ່າ “ແປ້ງນົວ” ທີ່ເຮົາຊື້ມານັ້ນ ເປັນຂອງປອມ ຫຼື ຂອງແທ້

ໃນໄລຍະທີ່ຜ່ານມາ ໄດ້ມີຂ່າວເລື່ອງການລະບາດຂອງແປ້ງນົວປອມຢູ່ຫຼາຍເຂດໃນປະເທດລາວ ໂດຍສະເພາະແມ່ນຢູ່ທີ່ແຂວງ ຫຼວງນ້ຳທາ ທີ່ກວດພົບເຫັນແປ້ງນົວປອມເປັນຈຳນວນຫຼາຍ ແລະ ການທີ່ບໍລິໂພກແປ້ງນົວປອມ ອາດສົ່ງຜົນອັນຕະລາຍຕໍ່ສຸຂະພາບຂອງຜູ້ບໍລິໂພກໄດ້.

ມື້ນີ້ ເຮົາມີວິທີກວດສອບວ່າ “ແປ້ງນົວ” ທີ່ເຮົາຊື້ມາແຕ່ຕະຫຼາດ ແລະ ຮ້ານຄ້ານັ້ນ ເປັນແປ້ງນົວແທ້ ຫຼື ແປ້ງນົວປອມ

  1. ເທແປ້ງນົວທີ່ຊື້ມາ ໃສ່ໃນບ່ວງທີ່ເປັນໂລຫະ ແລ້ວນຳໄປເຜົາໄຟ ແປ້ງນົວແທ້ຈະລະລາຍເປັນສີນ້ຳຕານດຳ, ຖ້າມີສີຂາວ ຫຼື ສີເທົາ ສະແດງວ່າເປັນແປ້ງນົວປອມ.
  2. ສັງເກດດ້ວຍຕາເປົ່າ ຫຼື ໃຊ້ແວ່ນຂະຫຍາຍສ່ອງ ເຊິ່ງລັກສະນະຂອງເມັດແປ້ງນົວແທ້ ຈະເປັນແທ່ງຍາວໆ ໃສ, ບໍ່ມີສີ, ສ່ວນແປ້ງນົວປອມ ຈະພົບຜົງບໍແຣກຊ໌ (Borax) ເຈືອປົນຢູ່ ເຊິ່ງມີລັກສະນະເປັນເມັດມົນໆນ້ອຍໆ ບໍ່ໃສ.

ສຳລັບ ແປ້ງນົວ ທີ່ບໍ່ເປັນອັນຕະລາຍຕໍ່ສຸຂະພາບ ແມ່ນແປ້ງນົວທີ່ຜະລິດຈາກອ້ອຍ ແລະ ມັນຕົ້ນ ເຊິ່ງຂັ້ນຕອນໃນການຜະລິດຈາກວັດຖຸດິບທຳມະຊາດນັ້ນ ຈະເພີ່ມຣົດອູມາມິ ທີ່ເຮັດໃຫ້ອາຫານມີຣົດຊາດແຊບຍິ່ງຂຶ້ນ.

ນອກຈາກ ຈະເພີ່ມຣົດຊາດໃຫ້ກັບອາຫານແລ້ວ ແປ້ງນົວ ທີ່ຜະລິດຈາກວັດຖຸດິບທຳມະຊາດ ຍັງຊ່ວຍໃຫ້ກະເພາະອາຫານ ແລະ ຕ່ອມນ້ຳລາຍ ເຮັດວຽກໄດ້ດີຂຶ້ນ, ຊ່ວຍຫຼຸດປະລິມານໂຊດ້ຽມໃນອາຫານໄດ້, ຊ່ວຍເພີ່ມຄວາມຢາກອາຫານໃຫ້ແກ່ຜູ້ສູງອາຍຸ ແລະ ຫຼຸດຄວາມສ່ຽງໃນການເກີດໂຣກທີ່ເກີດຈາກການກິນອາຫານຣົດຈັດ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),