ສ້າງພູມຄຸ້ມກັນໃຫ້ແຂງແຮງ ດ້ວຍວິຕາມິນຊີຈາກໝາກໄມ້ 5 ຊະນິດ

ເນື່ອງຈາກອາກາດມີປ່ຽນແປງຢູ່ຕະຫຼອດ ອາດເຮັດໃຫ້ຮ່າງກາຍເຮົາປັບສະພາບບໍ່ທັນ ກໍຈະສົ່ງຜົນເຮັດໃຫ້ເຮົາເປັນຫວັດໄດ້ງ່າຍ ເພາະວ່າຮ່າງກາຍຂອງເຮົາ ແມ່ນມີພູມຕ້ານທານໜ້ອຍ. ສະນັ້ນ, ມື້ນີ້ຈະມາແນະນຳໝາກໄມ້ 5 ຊະນິດ ທີ່ມີວິຕາມິນຊີສູງ ໃຫ້ທຸກຄົນເລືອກກິນກັນເລີຍ ເພື່ອປ້ອງກັນການເປັນຫວັດໃນເວລາອາກາດປ່ຽນແປງ.

1. ໝາກຂາມປ້ອມ

ເປັນໝາກໄມ້ທີ່ຫາໄດ້ງ່າຍ ແຖມກິນດີ ເພາະໃນໝາກຂາມປ້ອມມີວິຕາມິນຊີສູງທີ່ສຸດ, ໂດຍມີຂໍ້ມູນຢັ້ງຢືນວ່າ ໃນໝາກຂາມປ້ອມສົດ 100 ກຼາມ ຈະມີວິຕາມິນຊີແຝງຢູ່ເຖິງ 276 ມິລິກຼາມ ຫຼື ຖ້າເອົາໝາກຂາມປ້ອມໄປຄັ້ນນ້ຳດື່ມ ກໍຈະໄດ້ວິຕາມິນຊີສູງກວ່ານ້ຳໝາກກ້ຽງ 20 ເທົ່າ; ຍ້ອນສັບພະຄຸນແບບນີ້ ໝາກຂາມປ້ອມ ເລີຍມີຄວາມສາມາດແກ້ອາການໄຂ້ຫວັດ, ຊ່ວຍລະລາຍຂີ້ກະເທີ ແລະ ແກ້ອາການໄອໄດ້ດີ.

2. ໝາກຂາມແປ

ໝາກຂາມແປ ກໍມີວິຕາມິນຊີສູງບໍ່ຕ່າງຈາກໝາກຂາມປ້ອມເລີຍ, ນອກຈາກມີວິຕາມິນຊີສູງແລ້ວ ຍັງມີວິຕາມິນອີອີກດ້ວຍ. ໂດຍປົກກະຕິ ວິຕາມິນອີ ຈະບໍ່ຄ່ອຍພົບເຫັນໃນໝາກໄມ້ຫຼາຍປານໃດ ແຕ່ໝາກຂາມແປແມ່ນມີທັງວິຕາມິນຊີ ແລະ ອີ ຍິ່ງຈະຊ່ວຍປ້ອງກັນໄດ້ດີ ແລະ ມີປະສິດທິພາບສູງ ພ້ອມທັງຊ່ວຍປ້ອງກັນການອຸດຕັນຂອງຫຼອດເລືອດ, ຫຼຸດຄວາມສ່ຽງຈາກການເປັນພະຍາດຫົວໃຈ ແລະ ຍັງຊ່ວຍຜູ້ທີ່ມີບັນຫາການຂັບຖ່າຍ ເພາະໝາກຂາມແປມີເສັ້ນໃຍຫຼາຍ ຊ່ວຍໃຫ້ຂັບຖ່າຍງ່າຍຂຶ້ນແນ່ນອນ.

3. ໝາກສີດາ

Guava fruit

ເປັນໝາກໄມ້ທີ່ຫຼາຍຄົນກໍຮູ້ວ່າມີວິຕາມິນຊີສູງ ແລະ ຫຼາຍໆຄົນກໍມັກກິນ ແຖມກິນແລ້ວຍັງເຮັດໃຫ້ນ້ຳໜັກ ແລະ ນ້ຳຕານໃນເລືອດບໍ່ເພີ່ມຂຶ້ນ, ຄົນທີ່ເປັນເບົາຫວານກໍເລືອກກິນ ເພາະມັນບໍ່ຫວານຫຼາຍ; ໂດຍໝາກສີດາສົດ 100 ກຼາມ ຈະໃຫ້ວິຕາມິນຊີຫຼາຍເຖິງ 160 ມິລິກຼາມ, ເຊິ່ງກໍຈະພຽງພໍຕໍ່ຄວາມຕ້ອງການຂອງຮ່າງກາຍໃນ 1 ມື້. ເວລາກິນກໍບໍ່ຄວນບອກເປືອກ ເພາະວິຕາມິນຊີຈະຢູ່ໃນເປືອກເປັນສ່ວນຫຼາຍ ແລະ ຄວນກິນໝາກສີດາທີ່ໃຫຍ່ເຕັມທີ່ ແລະ ຍັງມີສີຂຽວຢູ່.

4. ກີວີ

ກີວີສີຂຽວທີ່ເປັນໜ່ວຍກົມມົນ ລົດຊາດສົ້ມໆຫວານໆ ອຸດົມໄປດ້ວຍວິຕາມິນຊີສູງເຖິງ 105 ມິລິກຼາມ ພ້ອມມີກາກໃຍຫຼາຍ, ແຄລໍຣີ່ຕ່ຳ, ເປັນໂຕເລືອກທີ່ດີສຳລັບຜູ້ທີ່ຕ້ອງການຄວບຄຸມນ້ຳໜັກ.

5. ລິ້ນຈີ່

ເປັນໝາກໄມ້ທີ່ຫຼາຍໆທ່ານມັກເປັນຊີວິດຈິດໃຈ ເພາະລິ້ນຈີ່ມີລົດຊາດທີ່ສົ້ມຫວານແຊບ, ເຊິ່ງໃນລິ້ນຈີ່ຈະມີວິຕາມິນຊີ ປະລິມານ 71 ມິລິກຼາມ ຕໍ່ ລິ້ນຈີ່ 100 ກຼາມ ພ້ອມມີສັບພະຄຸນຊ່ວຍໃນເລື່ອງຂອງການບຳລຸງຫຼອດເລືອດ, ປ້ອງກັນພະຍາດກະດູກ ແລະ ແຂ້ວ, ແກ້ອາການໄອຊ້ຳເຮື້ອ, ແກ້ອາການຄັນດັງ ເພາະລິ້ນຈີ່ເປັນໝາກໄມ້ທີ່ແຊບ, ຈຶ່ງເຮັດໃຫ້ຄົນມັກ ແຕ່ຂໍ້ເສຍຂອງມັນກໍຄື ຖ້າຫາກກິນໃນປະລິມານທີ່ຫຼາຍເກີນໄປ ກໍຈະເກີດອາການຮ້ອນໃນໄດ້. ສະນັ້ນ, ຄວນກິນໃຫ້ພໍເໝາະຕໍ່ຮ່າງກາຍ.

More from author

Related posts

Latest posts

ເອັສຊີຈີ ສານຕໍ່ ໂຄງການ “SCG Sharing the Dream 2026”

ມອບທຶນການສຶກສາແກ່ເຍົາວະຊົນ ໃນ ສປປ ລາວ ຕໍ່ເນື່ອງເປັນປີທີ 15 ສ້າງຄົນລຸ້ນໃໝ່ "Green Active Generation" ພັດທະນາປະເທດໃຫ້ຍືນຍົງ 5 ພະຈິກ 2026 - ນະຄອນຫຼວງວຽງຈັນ ສປປ ລາວ: ກະຊວງສຶກສາທິການ ແລະ ກິລາ ສປປ ລາວ ຮ່ວມກັບ ເອັສຊີຈີ...

ຊຳຊຸງ ເປີດໂຕ 3 ຮຸ່ນໃໝ່ ຕ້ອນຮັບທ້າຍປີ ເນັ້ນປະສິດທິພາບດີ ໃນລາຄາທີ່ເຂົ້າເຖິງໄດ້

ຊຳຊຸງວາງຈຳໜ່າຍ Galaxy A18, Galaxy A08 ແລະ Galaxy A07s ແລ້ວໃນ ສປປ ລາວ ຍົກຈຸດເດັ່ນດ້ານປະສິດທິພາບ ດ້ວຍຊິບເຊັດລຸ້ນໃໝ່ MediaTek Helio G99+ ແລະ RAM Plus ທີ່ຊ່ວຍເພີ່ມຄວາມໄວໃນການ ຮັບ-ສົ່ງ ຂໍ້ມູນ ຫຼຸດອາການໜ່ວງ ເປີດແອັບພລິເຄຊັນໄດ້ໄວ,...

ປະຫວັດຄວາມເປັນມາຂອງ “ບຸນຊ່ວງເຮືອ” ປະເພນີລາວ.

ບຸນຊ່ວງເຮືອ ແມ່ນບຸນປະເພນີ ທີ່ໄດ້ປະຕິບັດສືບທອດກັນມາ ແຕ່ບູຮານນະການຈົນເຖິງທຸກວັນນີ້ ແລະ ເປັນກິດຈະກຳແຂ່ງຂັນກັນທາງນໍ້າທີ່ສອດຄ່ອງກັບວິຖີຊີວິດ, ຄວາມເປັນຢູ່ຂອງຄົນລາວ ແລະ ມັກມີການແຂ່ງຂັນເຮືອຄວບຄູ່ໄປກັບການເຮັດບຸນຊ່ວຍສ້າງບັນຍາກາດ ເຮັດໃຫ້ພາຍໃນງານບຸນມີຄວາມຄຶກຄື້ນມ່ວນຊື່ນຍິ່ງຂຶ້ນ.