Saturday, July 20, 2024
Lenovo

E-Sports ໃນອາຊຽນເກມ 2023 ຊິງຫຼຽນຄຳເປັນຄັ້ງທຳອິດ ມີທັງໝົດ 7 ເກມ.

ອາຊຽນເກມ 2023 ຂອງປີນີ້ໃນໝວດກິລາ E-Sports ໄດ້ຈັດການແຂ່ງຂັນແບບຊິງຫຼຽນຄຳເປັນຄັ້ງທຳອິດ ຫຼັງຈາກແຂ່ງຂັນໃນຮູບແບບກິລາສາທິດໃນອາຊຽນເກມ 2018 ທີ່ອິນໂດເນເຊຍ.

ການແຂ່ງຂັນ E-Sports ຊິງທັງໝົດ 7 ຫຼຽນທອງ ຈາກ 7 ເກມໄດ້ແກ່: League of Legends, ROV ຫຼື AOV ຈີນ ເວີຊັນອາຊຽນເກມ, PUBG Mobile ຫຼື Peace Elite ຈີນ ເວີຊັນອາຊຽນເກມ, Dota 2, Dream Three Kingdoms 2, Street Fighter V: Champion Edition ແລະ EA Sports FC Online (ຊື່ເກົ່າ FIFA Online 4).

ສຳລັບ ສປປ ລາວ ເຮົາ ສະຫະພັນກິລາອີສະປອດແຫ່ງຊາດລາວ ໄດ້ສົ່ງ ຄູຝຶກ ແລະ ນັກກິລາ ຈຳນວນ 17 ຄົນ, ເປັນຍິງ ຈຳນວນ 2 ຄົນ ເຂົ້າຮ່ວມການແຂ່ງຂັນທັງໝົດ 4 ປະເພດເກມ ໄດ້ແກ່: Dream Three Kingdoms 2, AOV, PUBG Mobile, Street Fighter V: Champions Edition ມີກຳນົດການແຂ່ງຂັນຕັ້ງແຕ່ວັນທີ 24 ກັນຍາ-ວັນທີ 2 ຕຸລາ 2023.

ຮ່ວມສົ່ງກຳລັງໃຈ ແລະ ເຊຍໃຫ້ກັບທັບນັກກິລາລາວ ໃນການແຂ່ງຂັນກິລາ E-Sports ໃນ AsianGames ຄັ້ງທີ 19 ນີ້ແນ່ເດີ້.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.