ທ່ານ ລີຊົງ ຜູ້ຮັບຜິດຊອບພະແນກຈັດການ ໂຄງການກໍ່ສ້າງ ກຸ່ມບໍລີສັດທາງລົດໄຟຈີນ ບໍ່ເຕັນ-ນະຄອນຫລວງວຽງຈັນ ຊ່ວງສັນຍາທີ FJSGⅡ ໄດ້ໃຫ້ຮູ້ວ່າ: ທາງລົດໄຟລາວ-ຈີນ ຈາກບໍ່ເຕັນ-ນະຄອນວຽງຈັນ ໄດ້ຮັບລາງວັນວິສະວະກຳກໍ່ສ້າງປີ 2022-2023 (ໂຄງການຕ່າງປະເທດ) ແມ່ນລາງວັນທີ່ມີຄຸນນະພາບໃນໂຄງການກໍ່ສ້າງຂອງຈີນ.
ທາງລົດໄຟລາວ-ຈີນ ບໍ່ເຕັນ-ນະຄອນຫຼວງວຽງຈັນ ມີຄວາມຍາວທັງໝົດ 414 ກິໂລແມັດ, ເປັນການລົງທຶນ ແລະ ການກໍ່ສ້າງຄັ້ງທຳອິດຂອງຈີນ ນັບແຕ່ສອງປະເທດໄດ້ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ເຊິ່ງການກໍ່ສ້າງແມ່ນ ຜ່ານການຮັບຮອງມາດຕະຖານຈາກ ວິຊາການຂອງຈີນ, ນໍາໃຊ້ອຸປະກອນຂອງຈີນ ແລະ ການຮ່ວມມືກັບທາງລົດໄຟສາກົນໂດຍກົງ, ທາງລົດໄຟລາວ-ຈີນ ໄດ້ດຳເນີນໄປຢ່າງປອດໄພ ແລະ ໝັ້ນຄົງເປັນເວລາສອງປີກວ່າ, ໄດ້ສະສົມຜູ້ໂດຍສານເຖິງ 2.400 ລ້ານຄົນ ແລະ ຂົນສົ່ງສິນຄ້າ 2.900 ລ້ານກວ່າໂຕນ.
ໃນນັ້ນ, ມີ 600 ລ້ານກວ່າໂຕນຂ້າມແດນ; ການຂົນສົ່ງກວມເອົາ 10 ປະເທດ ລວມ ສປປ ລາວ ແລະ ໄທ ເຊິ່ງເປັນການຊຸກຍູ້ການຮ່ວມມືດ້ານທຸລະກິດ ແລະ ການເຊື່ອມໂຍງທາງດ້ານວັດທະນະທຳ ແລະ ກາຍເປັນຊ່ອງທາງທອງຂອງສາກົນ ທີ່ເຊື່ອມຕໍ່ພາຍໃນ ແລະ ນອກປະເທດໃກ້ຄຽງ ໃຫ້ມີຜົນປະໂຫຍດເຊິ່ງກັນ ແລະ ກັນ.
ທີ່ມາ: ປະເທດລາວ Pathedlao