Tuesday, February 11, 2025

ວັດໂພສີວະນາຣາມ ຈະຖືກນໍາສະເໜີຂຶ້ນເປັນ ສະຖານທີ່ທ່ອງທ່ຽວທາງດ້ານວັດທະນະທໍາ

ທີ່ວັດໂພສີວະນາຣາມ ບ້ານໜອງຈົວ ເມືອງເລົ່າງາມ ແຂວງສາລະວັນ ໄດ້ຈັດກອງປະຊຸມປຶກສາຫາລື ການກະກຽມຈັດພິທີປະກາດ ວັດບ້ານໜອງຈົວ ເປັນສະຖານທີ່ທ່ອງທ່ຽວ ທາງດ້ານວັດທະນະທໍາ ໃນນີ້ໂດຍການເຂົ້າຮ່ວມຂອງທ່ານ ຄໍາຫວັນ ສີສະໝຸດ, ຮອງເຈົ້າເມືອງເລົ່າງາມ, ຜູ້ຊີ້ນໍາວຽກງານວັດທະນະທໍາ – ສັງຄົມ, ພຮະອາຈານ ປອ ມະຫາ ສີປະເສີດ ໄຊຍະປັນຍາ ແລະ ບັນດາການທີ່ກ່ຽວຂ້ອງເຂົ້າຮ່ວມ.

ປັດຈຸບັນໄດ້ກະກຽມທາງດ້ານຂໍ້ມູນ, ນິຕິກໍາ, ເອກະສານ,ປື້ມຄູ່ມືທີ່ກ່ຽວຂ້ອງ, ດ້ານເນື້ອໃນໃຫ້ຄົບຖ້ວນ ແລະ ທັນເວລາ, ເຊັ່ນ ຂໍ້ຕົກລົງແຕ່ງຕັ້ງຄະນະຊີ້ນໍາ, ຄະນະຮັບຜິດຊອບຈັດງານ, ບົດກ່າວເປີດ – ກ່າວປີດ, ວາລະການຈັດງານ, ແລະ ກໍານົດວັນເວລາໃຫ້ລະອຽດຊັດເຈນ.

ສຳລັບ ພິທີການປະກາດ ວັດໂພສີວະນາຣາມ ເປັນສະຖານທີ່ທ່ອງທ່ຽວ ທາງດ້ານວັດທະນະທໍາ ມີກິດຈະກໍາດັ່ງນີ້ການສວດມົນຕັກບາດຍາດນໍ້າ, ໃຫ້ອາຫານປາ, ການເດີນທ່ຽວຊົມໄຫວ້ພະອົງໃຫຍ່ປາງປະທານພອນ, ແລະ ໄຫວ້ພະຕາມຈຸດຕ່າງໆ ພາຍໃນວັດບ້ານໜອງຈົວ ເຊິ່ງຈະຈັດພິທີປະກາດໃນ ທ້າຍເດືອນມີນາ ປີ 2024.

ຂ່າວ – ພາບ, ພອນໄຊ ແກ້ວມະນີ: ຖວ​ທ ເມືອງ​ເລົ່າ​ງາມ​ແຂວງ​ສາ​ລະ​ວັນ.

More from author

Related posts

Latest posts

VietJet ລາຍງານຜົນປະກອບການທຸລະກິດສູງສຸດນັບແຕ່ Covid-19 ໃນປີ 2024

(ນະຄອນຫຼວງວຽງຈັນ, ວັນທີ 07 ກຸມພາ 2025) – VietJet ສໍາເລັດການເຕີບໂຕທາງທຸລະກິດທີ່ໜ້າປະທັບໃຈໃນປີ 2024, ຂະຫຍາຍເຄື່ອຂ່າຍການບິນສາກົນ ແລະ ຝູງເຮືອບິນທີ່ທັນສະໄໝ ຂະນະດຽວກັນກໍ່ຍັງສ້າງລາຍໄດ້ ແລະ ກໍາໄລໃນລະດັບສູງສຸດເປັນປະຫວັດສາດ. ຄວາມສໍາເລັດຢ່າງຕໍ່ເນື່ອງຂອງສາຍການບິນແມ່ນ ບາດກ້າວອັນສໍາຄັນໃນການຟື້ນຕົວ ແລະ ຂະຫຍາຍໂຕຫຼັງຈາກໂລກລະບາດ Covid-19.

ເລີ່ມຕົ້ນປີດ້ວຍການປ່ຽນແປງຕົນເອງ ເພື່ອເປັນຄົນໃໝ່ທີ່ດີກວ່າ

ໃນຊ່ວງປີໃໝ່ແບບນີ້ຫຼາຍຄົນກໍມັກຈະຖືໂອກາດຕັ້ງເປົ້າໝາຍໃຫ້ຕົນເອງ ເພື່ອການປ່ຽນແປງທີ່ດີກວ່າປີທີ່ຜ່ານມາບໍ່ວ່າຈະເປັນດ້ານຄວາມຄິດ, ຄວາມສຳພັນ ແລະ ສັກກາຍະພາບ ຄວາມຮູ້ ຄວາມສາມດຂອງຕົນເອງ ຖ້າໃຜຍັງບໍ່ຮູ້ຈະຕັ້ງເປົ້າໝາຍໃຫ້ກັບຕົນເອງແນວໃດລອງມາເບິ່ງ 10 ວິທີງ່າຍໆໃນການພັດທະນາຕົນເອງທີ່ໃຜໆກໍເຮັດໄດ້:

ເປັນຫຍັງ? ຜົມຈຶ່ງຫງອກກ່ອນໄວ

ມັນເປັນເລື່ອງປົກກະຕິທີ່ເຮົາອາຍຸຫຼາຍຂຶ້ນຜົມຈະຫງອກຂາວໄປຕາມທຳມະຊາດຂອງການເຕີບໂຕ ແຕ່ຖ້າອາຍຸຍັງນ້ອຍແຕ່ຊ້ຳພັດມີຜົມຂາວແລ້ວ ມັນເປັນຍ້ອນຫຍັງແທ້? ປັດຈຸບັນ ໄວໜຸ່ມບາງຄົນອາຍຸຍັງບໍ່ຮອດເລກສາມເທື່ອ ແຕ່ມີຜົມຂາວເປັນຈຳນວນຫຼາຍ ລອງມາເບິ່ງສາເຫດທີ່ພົບເຫັນໄດ້ຫຼາຍນຳກັນ: