ພາສຕິກເປັນວັດສະດຸທີ່ສະດວກ, ທົນທານ ແລະຖືກນໍາໃຊ້ຢ່າງກວ້າງຂວາງ ມັນໄດ້ກາຍເປັນດາບສອງຄົມທີ່ກັບມາທຳລາຍໂລກຂອງພວກເຮົາ ເຊິ່ງມີປະໂຫນດກໍຕ້ອງມີຜົນກະທົບ ເຊິ່ງທີ່ເຮົາເຫັນໆກັນແມ່ນ ທໍ່ລະບາຍນໍ້າອຸດຕັນເຮັດໃຫ້ນໍ້າຖ້ວມ, ລອຍຢູ່ເທິງແມ່ນ້ໍາ ແລະ ເຮັດໃຫ້ທິວທັດງາມໆຕາມແຫຼ່ງທ່ອງທ່ຽວເສຍຫາຍ.
ນອກນັ້ນ, ຍັງມີຂ່າວທີ່ສັດນໍ້າກິນ Microplastics ເຂົ້າໄປ ແລະ ເຮັດໃຫ້ເຈັບປ່ວຍ ຫຼືຕາຍ ເຊິ່ງ Microplastics ມີຢູ່ທຸກທີ່ ປົນເປື້ອນດິນ, ນ້ໍາ, ອາກາດ ແລະອາຫານ ເຮັດໃຫ້ຜົນກະທົບຕໍ່ລະບົບນິເວດ ແລະ ອາດຈະເຂົ້າໄປໃນຮ່າງກາຍຂອງມະນຸດມີຜົນກະທົບຕໍ່ລະບົບພູມຕ້ານທານຈົນເສຍສຸຂະພາບໄດ້.
ສະນັ້ນນແລ້ວ, ເຮົາໃນຖານະຄົນຜູ້ໜຶ່ງໃນໂລກ ແລະ ອາໄສໃນປະເທດລາວ ຖ້າຢາກໃຫ້ປະເທດມີແຫຼ່ງທ່ອງທ່ຽວທີ່ສວຍງາມ ມີທຳມະຊາດທີ່ອຸດົມສົມບູນ ມີສຸຂະພາບທີ່ດີ ເຮົາຄວນແກ້ໄຂ ແລະ ຫຼຸດຜ່ອນການນໍາໃຊ້ຖົງຢາງ, ກ່ອງໂຟມ, ເຟືອງພາດສະຕິກ ແລະ ຖົງຢາງທີ່ໃຊ້ເທື່ອດຽວ. ເຮົາຄວນເລືອກຜະລິດຕະພັນທີ່ມີການຫຸ້ມຫໍ່ໜ້ອຍ, ໃຊ້ຖົງຜ້າ ແລະ ພາຊະນະສ່ວນຕົວທີ່ສາມາດເອົາມາໃຊ້ໃໝ່ໄດ້.