ເຂົ້າສູ່ຊ່ວງໜ້າຮ້ອນ ອາຫານ, ເຄື່ອງດື່ມ, ຜັກ, ໝາກໄມ້, ອາຫານສົດຫຼືແຫ້ງ ທຸກຢ່າງທີ່ຖືກເກັບໄວ້ໃນຕູ້ເຢັນກໍອາດຈະເລີ່ມມີກິ່ນ ເຊິ່ງອາດຈະເປັນສິ່ງທີ່ຫຼີກລ້ຽງບໍ່ໄດ້ຂອງແມ່ບ້ານຫຼາຍໆຄົນ ແຕ່ຮູ້ບໍ່ວ່າເຮົາສາມາດແກ້ໄຂບັນຫາເຫຼົ່ານີ້ດ້ວຍການໃຊ້ ທິດຊູ້.
ປະໂຫຍດຂອງການໃສ່ເຈ້ຍທິດຊູ້ໄວ້ໃນຕູ້ເຢັນ
ດັບກິ່ນໃນຕູ້ເຢັນ
ລອງເອົາເຈ້ຍທິກຊູ້ 1 ມ້ວນ ໃສ່ຕູ້ເຢັນປະມານ 1 ເດືອນຕໍ່ຄັ້ງ ເຈ້ຍທິດຊູ້ກໍຈະດູດກິ່ນຂອງຕູ້ເຢັນ ແລະດັບກິ່ນທີ່ບໍ່ດີອອກໄປ.
ຢືດອາຍຸ ຮັກສາຄວາມສົດຂອງຜັກ ແລະ ໝາກໄມ້
ເມື່ອຊື້ຜັກ ແລະ ໝາກໄມ້ຈາກຕະຫຼາດ ຖ້າທ່ານຕ້ອງການຮັກສາຄວາມສົດຂອງຜັກ ແລະ ໝາກໄມ້ເຫຼົ່ານັ້ນ ນອກຈາກວິທີການວາງໄວ້ໃນຕູ້ເຢັນ ເທັກນິກອີກຢ່າງໜຶ່ງຄືການເກັບຜັກ ແລະ ໝາກໄມ້ທີ່ຫໍ່ດ້ວຍເຈ້ຍທິດຊູ້ໃນຕູ້ເຢັນ ເພາະເຈັ້ຍທິດຊູ້ຈະຊ່ວຍດູດອາຍ ແລະ ຄວາມຊຸ່ມຊື່ນ ບໍ່ເຮັດໃຫ້ຜັກເນົ່າເປື່ອຍ ມັນຍັງເຮັດໃຫ້ໝາກໄມ້ ແລະ ຜັກເຫຼົ່ານັ້ນສົດໃໝ່ສະເໝີ.
ຊ່ວຍເຮັດໃຫ້ຮັກສາລົດຊາດຂະໜົມປັງ
ຫຼັງຈາກຊື້ຂະໜົມປັງບາງຄົນອາດຈະບໍ່ສາມາດກິນໝົດໃນມື້ດຽວ ເພາະສະນັ້ນສ່ວນຫຼາຍຈຶ່ງມັກເກັບຮັກສາໄວ້ໃນຕູ້ເຢັນ. ແຕ່ຮູ້ບໍ່ວ່າເມື່ອເອົາເຂົ້າໃນຕູ້ເຢັນ ຂະໜົມປັງຈະດູດອາຍ ແລະ ເຮັດໃຫ້ຊຸ່ມຊື່ນ. ສຳລັບວິທີການແກ້ໄຂບັນຫານີ້ແມ່ນງ່າຍໆຄື ໃຫ້ວາງທິດຊູ້ແຜ່ນໜາໆ ໄວ້ໃນຖົງຂະໜົມປັງ ຫຼືຈະເອົາທິດຊູ້ຫໍ່ເຂົ້າໜົມປັງໄວ້ເລີຍກໍໄດ້ເພື່ອດູດຊຶມອາຍນ້ໍາ ແລະ ຄວາມຊຸ່ມຊື່ນ.