ທີ່ໂອແລມປິກແຫ່ງຊາດລາວ ໄດ້ປະກາດການແຕ່ງຕັ້ງ ຄະນະບໍລິຫານສະຫະພັນ ຄິກບ໋ອກຊີງແຫ່ງຊາດລາວ ເຊິ່ງ ທ່ານ ວັນນະເດດ ແກ້ວວຽງຄໍາ ເປັນປະທານ ເປັນປະທານ ສະຫະພັນຄິກບ໋ອກຊີງແຫ່ງຊາດລາວ ຢ່າງເປັນທາງ ການ, ທ່ານ ສຸລິ ມີລະໄມ ເປັນຮອງປະທານ, ທ່ານ ທະນຸສອນ ແກ້ວວຽງຄໍາ ຮອງປະທານ, ທ່ານ ນາງ ມະນິຈິດ ໄຊຍະວົງ ເປັນຮອງປະທານ ແລະ ນາຍຄັງ.
ທ່ານ ສອນເພັດ ຈັນດານຸວົງ ເລຂາສະຫະພັນ ຄິກບ໋ອກຊີງ ແຫ່ງຊາດລາວ ໄດ້ກ່າວວ່າ: ກິລາຄິກບ໋ອກຊີງ ເປັນກິລາຕໍ່ສູ້ປ້ອງກັນຕົວປະເພດໜຶ່ງ ທີ່ມີຫລັກການຝຶກຊ້ອມ, ການສະແດງ ແລະ ການແຂ່ງຂັນມີເຕັກນິກ ແລະ ຍຸດທະວິທີຄ້າຍຄື ແລະ ມີຄວາມແຕກຕ່າງກັບມວຍລາວ, ຄາຣາເຕ, ເທຄວັນໂດ ໃນປະເພດຟ້ອນ ແລະ ຕໍ່ສູ້ເປັນປະເພດກິລາມີສະຫະພັນ ຄິກບ໋ອກຊີງໂລກທີ່ເປັນອົງກອນໜຶ່ງເອີ້ນວ່າ:
WAKO (world association of kickboxing organization) ແລະ ສະຫະພັນຄິກບ໋ອກຊີງອາຊີທະວີບ (continental WAKO), ສ່ວນສະຫະພັນຄິກບ໋ອກຊີງອາຊີເອີ້ນວ່າ WAKO ASIA ໄດ້ຈົດທະບຽນກັບ sport accord ແລະ ຮັບຮູ້ໂດຍຄະນະກໍາມະການໂອແລມປິກສາກົນ ເຊິ່ງກິລາປະເພດນີ້ ໄດ້ມີ 7 ລາຍ ການແຂ່ງຂັນ, ລາຍການທີ່ໂດດເດັ່ນທີ່ສຸດ ແລະ ມີຊື່ສຽງແມ່ນລາຍການ K-1 ທີ່ຢີ່ປຸ່ນເປັນຜູ້ສ້າງຂຶ້ນ ແລະ ໃນປີ 2013 ໄດ້ຖືກບັນຈຸເຂົ້າໃນການແຂ່ງຂັນກິລາອາຊຽນເກມ ແລະ ໃນປີ 2019 ໄດ້ຖືກບັນຈຸເຂົ້າການແຂ່ງຂັນກິລາຊີເກມທີ່ປະເທດຟີລິບປິນ.
ແຫຼ່ງຂໍ້ມູນ: ສຳນັກຂ່າວສານປະເທດລາວ