ບັນຍາກາດຂອງການມອບຮັບໃບປະກາສະນີຍະບັດຄັ້ງນີ້ ເຫັນວ່າມີຄວາມຄືກຄື້ນບັນດາພໍ່ແມ່ຜູ້ປົກຄອງ, ອ້າຍ, ເອື້ອຍ, ນ້ອງຍາດຕີພີ່ນ້ອງກໍ່ໄດ້ມາຮ່ວມສະແດງຄວາມຍີນດີນໍາລູກຫລານຂອງຕົນຢ່າງລົ້ນເຫລືອ.
ຢູ່ສະໂມສອນຫ້ອງວ່າການເມືອງເຊໂປນແຂວງສະຫວັນນະເຂດໄດ້ຈັດພິທີມອບ-ຮັບໃບປະກາສະນີຍະບັດໃຫ້ແກ່ນັກຮຽນນັກສຶກສາຜູ້ສໍາເລັດການສຶກສາຊັ້ນກາງ(ລະບົບ9+3)ສາຂາວີຊາລົດຍົນ,ໄຟຟ້າແລະສາຂາຕັດຫຍິບປະຈໍາສົກປີ2018-2019 ຂຶ້ນຢ່າງເປັນທາງການ.
ໂດຍເປັນກຽດເຂົ້າຮ່ວມທ່ານວົງສະຫວັນ ວຽງມະນີເລຂາຄະນະພັກຮາກຖານ,ອໍານວຍການວິທະຍາໄລເຕັກນິກ-ວີຊາຊີບແຂວງສະຫວັນນະເຂດ, ທ່ານວົງໄຊ ໄຊຍະຈັກວ່າການເລຂາຄະນະບໍລິຫານງານພັກເມືອງ, ເຈົ້າເມືອງເຊໂປນ, ເຂົ້າຮ່ວມມີບັນດາທ່ານໃນຄະນະປະຈໍາພັກເມືອງ,ກໍາມະການພັກເມືອງ,ຫົວໜ້າ,ຄະນະຫ້ອງການອອ້ມຂ້າງ, ຄູອາຈານພ້ອມດ້ວຍນັກຮຽນນັກສຶກສາວິທະຍາໄລເຕັກນິກ-ວີຊາຊີບເມືອງເຊໂປນເຂົ້າຮ່ວມຢ່າງພ້ອມພຽງ.
ໃນພິທີຫລັງໄດ້ຜ່ານຂໍ້ຕົກລົງການຮຽນການສອນຂອງວິທະຍາໄລເຕັກນິກ-ວີຊາຊີບແຂວງສະຫວັນນະເຂດແລ້ວທ່ານກອງແພງ ສຸລິຍະມາດຫົວໜ້າອໍານວຍການໂຮງຮຽນວິທະຍາໄລເຕັກນິກ-ວີຊາຊີບວິທະຍາເຂດເຊໂປນໄດ້ຂື້ນຜ່ານບົດສະຫລຸບການເຄືອນໄຫວວຽກງານການຮຽນແລະການສິດສອນສົກປີ2018-2019ພ້ອມທິດທາງແຜນການສົກປີ 2019-2020, ອີງໃສ່ຜົນສໍາເລັດການສຶກສາຂອງນັກຮຽນສົກປີ2018-2019ທີ່ວິທະຍາເຂດເຊໂປນຈໍານວນ 58 ຄົນ,ຍີງ 17 ຄົນໃນ 3 ສາຂາວີຊາຄື: ສາຂາວີຊາ:
ຕັດຫຍິບຈໍານວນ 16 ຄົນ,ຍີງ 16 ,ສາຂາວິຊາໄຟຟ້າຈໍານວນ 21 ຄົນ,ຍິງ 1 ຄົນ,ສາຂາວີຊາລົດຍົນຈໍານວນ 21 ຄົນ, ວິຊາທີ່ໄດ້ຈັດຕັ້ງການຮຽນການສອນໃນໄລຍະ 1 ປີຜ່ານມາສໍາເລັດ 98 ວິຊາຮຽນ,4,918 ຊົ່ວ ໂມງ, ໃນນັ້ນທາງດ້ານທິດສະດີ 1,554 ຊົ່ວໂມງ,ປະຕິບັດຕົວຈິ່ງ 3,364 ຊົ່ວໂມງແລະສາມາດຄັດເລືອກນັກສຶກສາດີເດັ່ນໃນການຮຽນປະຈໍາປີໄດ້ 21 ຄົນ,ຍິງ 9 ໃນນັ້ນເດັ່ນ1ມີ6ຄົນ, ຍິງ 4 ,ເດັ່ນ 2 ມີ 15 ຄົນ, ຍີງ 5.
ຈາກນັ້ນໃນພິທີກໍ່ໄດ້ມອບໃບຍ້ອງຍໍຂັ້ນຊວງໃຫ້ພະນັກງານຄູອາຈານແລະນ້ອງນັກຮຽນນັກສຶກສາສົກປີ 2018 ຈໍານວນ 79 ຄົນ,ໃບຍ້ອງຍໍຂອງແຂວງໃຫ້ພະນັກງານ,ຄູອາຈານແລະນັກຮຽນນັກສຶກສາທີ່ມີຜົນງານດີເດັ່ນສົກປີ 2018-2019 ຈໍານວນ17ຄົນ, ຍີງ 9 ໃນນັ້ນພະນັກງານ 11 ຄົນ,ຍີງ 5,ນັກຮຽນນັກສຶກສາ 6 ຄົນ,ຍີງ 4 ແລະໃບສັນລະເສີນໃຫ້ຄູອາຈານອີກຈໍານວນໜຶ່ງ,ຕອນທ້າຍກໍ່ໄດ້ຮັບຟັງການໂອ້ລົມຈາກທ່ານວົງສະຫວັນ ວຽງມະນີເລຂາຄະນະພັກຮາກຖານ,ອໍານວຍການວິທະຍາໄລເຕັກນິກ-ວີຊາຊີບແຂວງສະຫວັນນະເຂດພ້ອມທັງມອບໃບປະກາສະນີຍະບັດໃຫ້ແກ່ນັກຮຽນນັກສຶກສາຊັ້ນກາງ(9+3)ຈໍານວນ58ຄົນ,ຍີງ17ໃນ3ສາຂາຢ່າງສົມກຽດ.
ແຫຼ່ງຂໍ້ມູນ: Midia Laos