ທີ່ນິວຢອກ, ປະເທດ ສະຫະລັດອາເມລິກາ, ນາງ ປານີພອນ ວົງມາລາ ອາຍຸ 15 ປີ ຈາກໂຮງຮຽນ ມັດທະຍົມສົມບູນວຽງຈັນ ໄດ້ຖືກຄັດເລືອກເປັນຕົວແທນ ເດັກ ນ້ອຍລາວ ຂຶ້ນກ່າວຄຳຄິດເຫັນ ກ່ຽວກັບການສຶກສາ ຢູ່ທີ່ກອງປະຊຸມລະດັບສູງຂອງສະມັດຊາໃຫຍ່ ອົງການສະຫະປະຊາຊາດ ເນື່ອງໃນໂອກາດ ວັນສະເຫລີມສະຫລອງ ວັນເດັກນ້ອຍໂລກ ແລະ ວັນຄົບຮອບ 30 ປີ ຂອງການຮັບຮອງເອົາ ສົນທິສັນຍາວ່າດ້ວຍສິດທິເດັກ.
ນາງ ປານີພອນ ວົງມາລາ ໄດ້ໃຫ້ທັດສະນະວ່າ:
ຢາກໃຫ້ເດັກນ້ອຍລາວທຸກຄົນມີໂອກາດ ໄດ້ຮຽນຈົບຊັ້ນປະຖົມ ແລະ ມັດທະຍົມ ພາຍໃນປີ 2030, ຂະນະທີ່ຢູ່ເຂດຊົນນະບົດ ຫ່າງໄກສອກຫລີກ ຂອງສປປ ລາວ ຍັງມີເດັກນ້ອຍຈຳນວນຫລາຍ ທີ່ອອກໂຮງໂຮຽນກ່ອນຈົບຊັ້ນມັດທະຍົມ ໂດຍສະເພາະໃນກຸ່ມເດັກຍິງ.
ສະນັ້ນ, ພວກເຮົາຈະຊ່ວຍກັນດຳເນີນການແນວໃດ ເພື່ອຮັບປະກັນໃຫ້ຊາວໜຸ່ມ ແລະ ເດັກນ້ອຍລາວທຸກຄົນກາຍເປັນກຳລັງແຮງຂອງປະເທດຊາດ, “ຂ້າພະເຈົ້າ ຂໍຮຽກຮ້ອງໃຫ້ທຸກໆທ່ານໃນມື້ນີ້ ຊ່ວຍຄິດຄົ້ນຫາວິທີຊ່ວຍພວກເຮົາ ເພື່ອໃຫ້ເດັກນ້ອຍໄດ້ຮັບການສຶກສາທີ່ມີຄຸນນະພາບ“.
ແຫຼ່ງຂໍ້ມູນ: ີຮູບພາບ: Unicef Laos ສຳນັກຂ່າວສານປະເທດລາວ