ບໍ່ດົນມານີ້, ພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວແຂວງບໍ່ແກ້ວ ຈັດຊຸດອົບຮົບ ກ່ຽວກັບການຍົກລະດັບຄຸນນະພາບຂອງການບໍລິການ ແລະ ການເອົາໃສ່ຕໍ່ລູກຄ້າ ໃຫ້ແກ່ບັນດາຜູ້ ປະກອບການ ແລະ ຜູ້ບໍລິການດ້ານອາຫານ, ຢູ່ບັນດາຮ້ານອາຫານ, ເຮືອນພັກ, ໂຮງ ແຮມ ແລະ ຣີສອດໃນທົ່ວແຂວງ. ທັງນີ້ ກໍເພື່ອເປັນການກະຕຸກຊຸກຍູ້ ແລະ ສົ່ງເສີມວຽກງານການ ທ່ອງທ່ຽວ ຢູ່ແຂວງບໍ່ແກ້ວ ໄດ້ຮັບ ການພັດທະນາ, ຍົກລະດັບ ທາງດ້ານຄຸນນະພາບ ໃຫ້ມີຄວາມປອດໄພຕໍ່ສຸຂະພາບ ແລະ ເກີດຄວາມປະທັບໃຈແກ່ນັກທ່ອງທ່ຽວ ແນ່ໃສ່ຮັບປະກັນຄວາມຄວາມປອດໄພ ໃຫ້ແກ່ລູກຄ້າທີ່ມາໃຊ້ບໍລິການ.
ທ່ານ ອາລຸນ ທຳມະວົງ ວິຊາການດ້ານຄູຝຶກ ໄດ້ໃຫ້ຮູ້ວ່າ: ຊຸດຝຶກອົບຮົມໃນຄັ້ງນີ້ ໄດ້ດຳເນີນໄປເປັນເວລາ 3 ວັນ ເຊິ່ງເຫັນໄດ້ວ່າ ສຳມະນາກອນສ່ວນຫລາຍໄດ້ມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງ ທັງພາກທິດສະດີ ແລະ ການຈັດຕັ້ງປະຕິບັດຕົວຈິງ, ໃນນັ້ນ ສຳມະນາກອນໄດ້ຮຽນຮູ້ກ່ຽວກັບ ຄວາມໝາຍຄວາມສໍາຄັນ ຂອງອາຫານສະອາດ ແລະ ປອດໄພ, ມາດຕະຖານອາຫານສະອາດ, ການຝຶກແອບການທຳຄວາມສະອາດມື, ອຸປະກອນ ແລະ ການຈັບຖືອາຫານ, ຫລັກການປຸງແຕ່ງອາຫານສະອາດ, ການຮັກສາຄຸນນະພາບໃນການບໍລິການ ແລະ ການເອົາໃຈໃສ່ຕໍ່ລູກຄ້າ, ການເປັນເຈົ້າພາບທີ່ດີ, ການຕ້ອນຮັບແຂກທີ່ປະທັບໃຈ, ທັກສະການບໍລິການ, ທັກສະການ ຕ້ອນຮັບແຂກ, ການບໍລິການອາຫານ ທີ່ມີຄວາມສະອາດ ໃຫ້ແກ່ນັກທ່ອງທ່ຽວ ກໍຄືບັນດາລູກຄ້າທົ່ວໄປ.
Cr.KPL
#insidelaos