ພິທີເປີດການແຂ່ງຂັນສິລະປະວັນນະຄະດີ ທົ່ວກອງທັບຄັ້ງທີ V ໄດ້ຈັດຂຶ້ນ ໃນມື້ນີ້ ແລະມື້ອື່ນ ທີ່ກະຊວງປ້ອງກັນປະເທດ, ໂດຍມີຄະນະສິລະປະ ຈາກກຳລັງຫລວງ ແລະ ກຳລັງທ້ອງຖິ່ນ ໃນຂອບເຂດທົ່ວປະເທດ 9 ຄະນເຂົ້າຮ່ວມ. ໃນນັ້ນ, ມີ ກອງບັນຊາການທະຫານ ແຂວງອຸດົມໄຊ, ກອງບັນຊາການທະຫານ ແຂວງວຽງຈັນ, ກອງບັນຊາການທະຫານ ແຂວງສະຫວັນນະເຂດ, ກອງບັນຊາການທະຫານ ແຂວງສາລະວັນ, ກົມໃຫຍ່ການເມືອງກອງທັບ, ກົມ 213, ຫ້ອງວ່າການກະຊວງປ້ອງກັນປະເທດ, ໂຮງຮຽນກໍ່ສ້າງນາຍສິບທະຫານຮາບເລກ 2 ວຽງໄຊ ແລະ ກອງພັນໃຫຍ່ ລົດ ຕັງ-ຍານເກາະ 661, ເຊິ່ງແຕ່ລະຄະນະ ຈະສະແດງ 5 ລາຍການ, ເລີ່ມແຕ່ເວລາ 19 ໂມງ ເປັນຕົ້ນໄປ ເຂົ້າຊົມຟຣີ.
ທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີ ກະຊວງປ້ອງກັນປະເທດ ກ່າວວ່າ: ຈຸດປະສົງໃນການຈັດການຈັດງານແຂ່ງຂັນດັ່ງກ່າວ, ແມ່ນເພື່ອຂໍ່ານັບຮັບຕ້ອນ ວັນສ້າງຕັ້ງກອງທັບ ປະຊາ ຊົນລາວ ຄົບຮອບ 70 ປີ ແລະ ແນ່ໃສ່ປຸກລະດົມຊຸກຍູ້ແນວຄິດ, ຈິດໃຈພະນັກງານນັກຮົບ ໃນກອງທັບ ແລະ ປະຊາຊົນບັນດາເຜົ່າໃນທົ່ວປະເທດ ໃຫ້ມີຄວາມເອກອ້າງທະນົງໃຈຕໍ່ຜົນງານ, ໄຊຊະ ແລະ ທາດ ແທ້ມູນເຊື້ອວິລະກຳອັນລໍ້າເລີດ ຂອງກອງທັບ ໃນ 70 ປີຜ່ານມາ ເພື່ອພ້ອມກັນເສີມຂະ ຫຍາຍທາດແທ້ ມູນເຊື້ອອັນດີງາມເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ຫັນເອົາ ຂະບວນການສິລະປະ-ວັນນະຄະດີ ເປັນການສຶກສາອົບຮົມການເມືອງ-ແນວຄິດ ຍົກສູງຈິດໃຈຮັກຊາດຮັກລະບອບ ປະຊາທິ ປະໄຕ ປະຊາຊົນ ປັບປຸງກໍ່ສ້າງກອງທັບ ໃຫ້ກາຍເປັນກອງທັບປະຕິວັດ ມີແບບແຜນທີ່ທັນສະໄໝ.
#insidelaos
Cr.KPL