ສະຖາບັນສື່ມວນຊົນ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ຮ່ວມກັບສະຖາບັນສື່ມວນຊົນ ໂຟໂຈ ຈັດຊຸດຝຶກອົບຮົມ ການຂຽນຂ່າວທາງອອນລາຍ ໄລຍະສັ້ນ 4 ວັນ ລະຫວ່າງ ວັນທີ 26-29 ພະຈິກ 2018 ທີ່ນະຄອນຫລວງວຽງຈັນ, ໃຫ້ບັນດາສື່ມວນຊົນທຸກຂະ ແໜ່ງການອ້ອມຂ້າງສູນກາງ, ໂດຍການເຂົ້າຮ່ວມຂອງທ່ານ ສະຫວັນຄອນ ລາຊະມຸນຕີ ຮອງລັດຖະ ມົນຕີ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ.

ຊຸດຝຶກອົບຮົມຄັ້ງນີ້, ສໍາມະນາກອນຈະໄດ້ຮຽນຮູ້ ຄວາມຈຳເປັນໃນການນຳໃຊ້ພື້ນທີ່ດີຈີຕອນ, ອົງປະກອບພື້ນຖານສຳລັບການເລົ່າເລື່ອງ, ທັກສະໃນການວາງຮູບແບບການເລົ່າເລື່ອງ, ທັກສະການສຳພາດ, ທັກສະ, ວິທີເຄັດລັບການເລົ່າເລື່ອງ, ການນຳໃຊ້ໂທລະສັບມືຖື ເພື່ອເຮັດວິດີໂອ, ພາບສະໄລໂຊ ແລະ ການເຮັດວິດີໂອສັ້ນ. ນອກນັ້ນ, ຍັງຈະໄດ້ຮຽນຮູ້ ເຄັດລັບການນໍາໃຊ້ ສື່ສັງຄົມອອນລາຍ ໃຫ້ມີປະສິດທິພາບ, ປະສິດທິຜົນ ແລະ ອື່ນໆ.
#insidelaos
#ອິນ​ໄຊ​ລາວ
Cr.KPL