ມື້ນີ້, ທີ່ສູນປິ່ນປົວ ແລະ ຮັກສາສຸຂະພາບຕາ ນະຄອນຫລວງວຽງຈັນ, ໂຮງໝໍປະຊາຊົນເລກສອງ ແຂວງຢຸນນານ ສປ ຈີນ ໄດ້ນຳເອົາອຸປະກອນການແພດ ແລະ ຢາຈຳນວນໜຶ່ງ ລວມມູນຄ່າເກືອບ 100.000 ໂດລາສະຫະລັດ ມອບໃຫ້ສູນປິ່ນປົວ ແລະ ຮັກສາສຸຂະພາບຕາ, ພິທີເປີດໂຄງການເຄື່ອນໄຫວແສງສະຫວ່າງ ຂອງໂຮງໝໍປະຊາຊົນເລກສອງ ແຂວງ ຢຸນນານ ສປ ຈີນ ທີ່ ສປປ ລາວ ປີ 2018.
ຈຸດປະສົງ ເພື່ອປະກອບສ່ວນເຂົ້າໃນການປິ່ນປົວ ແລະ ຮັກສາຕາ ໃຫ້ພໍ່ແມ່ປະຊາຊົນລາວ ໃຫ້ໄດ້ກັບມາມອງເຫັນອີກຄັ້ງ. ຕາງໜ້າມອບເຄື່ອງຊ່ວຍເຫລືອໃນຄັ້ງນີ້, ໂດຍ ທ່ານ ດຣ. ໂຢ ມົງຄຸນ ຫົວໜ້າຫ້ອງການພະແນກສາທາລະນະສຸກ ແຂວງຢຸນນານ ກ່າວຮັບໂດຍ, ທ່ານ ດຣ. ສີເພັດທະວົງ ສີສະເຫລີມສັກ ຮອງຫົວໜ້າສູນປິ່ນ ປົວ ແລະ ຮັກສາສຸຂະ ພາບຕາ ໃຫ້ກຽດເປັນສັກຂີພິຍານຂອງ ທ່ານ ດຣ. ບຸນໜັກ ໄຊຊະນະສົງຄາມ ຫົວໜ້າກົມປິ່ນປົວ ກະຊວງສາທາລະນະສຸກ, ພ້ອມດ້ວຍພະນັກງານແພດໝໍ ເຂົ້າຮ່ວມ.
ທີ່ມາ: facebook.com/421087478095038