ຖ້າຢາກຮູ້ວ່າ ເນື້ອຄູ່ຂອງເຈົ້າຊິເປັນຄົນແບບໃດ? ຢູ່ທິດທາງໃດ? ມີນິດໄສແບບໃດ? ໃຫ້ເອົາວັນເກີດຂອງເຈົ້າຕັ້ງ, ເອົາເດືອນເກີດຄູນ ແລະເອົາປີເກີດບວກ ເອົາ 7 ຫານ ໄດ້ຜົນອອກທໍ່ໃດ? ໃຫ້ທາຍຕາມເສດນັ້ນໆດັ່ງນີ້:
ເສດ 1 ເນື້ອຄູ່ຢູ່ທາງຕາເວັນອອກສ່ຽງໃຕ້ ຫຼືທິດຕາເວັນອອກສ່ຽງເໜືອ ຜິວກາຍດຳແດງ, ຮູບຮ່າງສັນທັດ ເປັນລູກກ່ຳພ້າ, ເຈົ້າລະບຽບ.
ເສດ 2 ເນື້ອຄູ່ຢູ່ທາງທິດຕາເວັນອອກ ຫຼືຕາເວັນຕົກ ຜິວຂາວ, ເວົ້າຈາໜ້າຮັກ, ຊື່ສັດ ຄົນທົ່ວໄປນັບຖື.
ເສດ 3 ເນື້ອຄູ່ຢູ່ທາງທິດຕາເວັນອອກສ່ຽງເໜືອ ຫຼືຕາເວັນຕົກສ່ຽງໃຕ້ ຮູບຮ່າງສູງໃຫຍ່, ມີໄຝດຳທີ່ຄີ້ວ ຫຼືມີແປ້ວທີ່ນົມເບື້ອງຂວາ, ມີຄວາມຮູ້ດີ ບາງເທື່ອອາດຈະເປັນໝ້າຍກໍໄດ້.
ເສດ 4 ເນື້ອຄູ່ຢູ່ທາງທິດເໜືອ ຫຼືທິດໃຕ້ ຜິວຂາວເຫຼືອງຮ່າງໃຫຍ່, ນິດໄສຮ້າຍ, ເວົ້າຕານັກເລງ ແຕ່ເປັນຄົນດີມີສົມບັດ.
ເສດ 5 ເນື້ອຄູ່ຢູ່ທາງທິດໃຕ້ ຫຼືທິດຕາເວັນຕົກສ່ຽງໃຕ້ ຜິວກາຍດຳແດງ ເປັນສາວ ຫຼືບ່າວເຖົ້າ ໜ້າຕາດີ ແຕ່ຂີ້ຄ້ານ ມີຄວາມຮູ້ດີ ຕົ້ນໆບໍ່ດີ ແຕ່ພາຍຫຼັງຈະດີ.
ເສດ 6 ເນື້ອຄູ່ຢູ່ທາງທິດຕາເວັນຕົກ ຫຼືທິດຕາເວັນຕົກສ່ຽງໃຕ້ຜິວກາຍຂາວເຫຼືອງ, ເວົ້າຈາໜ້າຮັກ, ໝັ່ນເຮັດວຽກ, ມີຊັບສົມບັດ ແຕ່ໃຈນ້ອຍ ບໍ່ຄ່ອຍມີຄວາມອົດທົນເທົ່າໃດ?.
ເສດ 7 ເນື້ອຄູ່ຢູ່ທາງທິດຕາເວັນຕົກສ່ຽງເໜືອ ຫຼືທິດຕາເວັນຕົກສ່ຽງໃຕ້, ຮູບຮ່າງໃຫຍ່, ຜິວກາຍຂ້ອນຂ້າງຈະດຳ, ໜ້າຕາຄົມເຂັ້ມ, ປາກຈັດ, ເຈົ້າຊູ້, ຊັບສິນເກັບບໍ່ຄ່ອຍຢູ່ຕອນແກ່ໂຕຈຶ່ງຈະດີ.