ລັດຖະບານ ສ.ເກົາຫລີ ໄດ້ນຳເອົາເຂົ້າສານຈຳນວນ 1 ພັນໂຕນ ຈາກຄັງແຮເຂົ້າສຸກເສີນອາຊຽນບວກສາມ ມາມອບໃຫ້ລັດຖະບານລາວ ໃນວັນທີ 4 ມັງກອນ 2019 ທີ່ນະຄອນຫລວງວຽງຈັນ, ເພື່ອແຈກຢາຍໃຫ້ປະຊາຊົນ ຜູ້ທີ່ປະສົບໄພພິບັດ ຢູ່ ສປປ ລາວ ໂດຍສະເພາະ ຢູ່ເມືອງສະໜາມໄຊ ແຂວງ ອັດຕະປື. ຕາງໜ້າມອບໂດຍ, ທ່ານ ຊິນ ຊອງຊຸນ ເອກອັກຄະລັດຖະທູດ ສ.ເກົາ ຫລີ ປະຈຳ ລາວ ແລະ ຕາງໜ້າຮັບໂດຍ, ທ່ານ ນາງ ໃບຄຳ ຄັດຕິຍະ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ພ້ອມດ້ວຍພາກສ່ວນກ່ຽວຂ້ອງ ທັງສອງຝ່າຍເຂົ້າຮ່ວມ ເປັນສັກຂີພິຍານ.
ໃນໂອກາດດັ່ງກ່າວ, ທ່ານ ນາງ ໃບຄຳ ຄັດຕິຍະ ໄດ້ຕາງໜ້າໃຫ້ລັດຖະບານລາວ ສະແດງຄວາມຂອບໃຈ ມາຍັງລັດຖະບານ ສ.ເກົາຫລີ ກໍຄື ທ່ານເອກອັກຄະລັດຖະທູດ ສ.ເກົາຫລີ ປະຈຳລາວ ທີ່ໄດ້ນຳເອົາເຂົ້າສານມາມອບໃຫ້ໃນຄັ້ງນີ້, ພ້ອມຢືນຢັນວ່າ ຈະນຳເອົາເຂົ້າສານຈຳນວນດັ່ງກ່າວ ໄປມອບໃຫ້ປະຊາຊົນ ທີ່ປະສົບໄພພິບັດຢ່າງທົ່ວເຖິງ ແລະ ລັດຖະບານ ສ.ເກົາຫລີ ພ້ອມຈະສືບຕໍ່ນຳເອົາເຂົ້າສານ ມາມອບໃຫ້ລັດຖະບານລາວຕື່ມອີກໃນຕໍ່ໜ້າ.
ທີ່ມາ: facebook.com/421087478095038