Android 12 ມາພ້ອມກັບຟິວເຈີໃຫມ່ໆຫຼາກຫຼາຍ ບາງຟິວເຈີກໍ່ໃຫມ່ບໍ່ເຄີຍມີມາກ່ອນ ແລະບາງຟິວເຈີກໍ່ອັບເດດມາໃຫ້ ເຊິ່ງເຮົາໄດ້ລວບລວມບາງສ່ວນມາໃຫ້ເບິ່ງດັ່ງນີ້
UI ອອກແບບໃຫມ່
ການອອກແບບໃຫມ່ຈະປ່ຽນຄວາມເປັນເອກະລັກໄປເລີຍ ເຊິ່ງລະບົບຈະປັບໂທນສີຂອງ UI ໃຫ້ແບບອັດຕະໂນມັດ ເຊັ່ນສີຂອງ: Icon, Notification, Lock Screen, Widget ແລະໂຕປັບລະດັບສຽງ
ແຖບ QUICK TILE ແບບໃຫມ່
QUICK TILE ຄືບ່ອນປຸ່ມກົດຟັງຊັນຕ່າງໆ ທີ່ເຮົາລາກລົງມາຈາກທາງເທິງ ເຊັ່ນ: Wifi, Sound, Internet, Bluetooth ຫຼື Airplane Mode ປົກກະຕິແລ້ວຈະເປັນແບບວົງມົນນ້ອຍໆ ແຕ່ໃນ Andriod 12 ຈະເປັນແບບສີ່ຫ່ຽມທີ່ໃຫຍ່ ເບິ່ງງ່າຍຂຶ້ນ ແຕ່ກໍ່ກິນພື້ນທີ່ຫຼາຍຂຶ້ນເຊັ່ນດຽວກັນ
ປັບປຸງຄວາມປອດໄພ ແລະຄວາມເປັນສ່ວນໂຕ
ມີການເພີ່ມ Privacy Dashboard ເພື່ອສະແດງໃຫ້ເຫັນການອະນຸຍາດຂອງແອັບໃຫ້ເຮົາເຫັນ ແລະບອກເຖິງການໃຊ້ງານຂອງແອັບຕ່າງໆໃນໂທລະສັບ ແລະຍັງສາມາດຄວບຄຸມການເຂົ້າເຖິງຂອງແອັບໃນ Dashboard ດັ່ງກ່າວ
ແຄັບໜ້າຈໍແບບເລື່ອນລົງມາຍາວໆໄດ້
ບາງລຸ້ນໃນໂທລະສັບກໍ່ອາດຈະມີມາໃຫ້ເລີຍ ແຕ່ວ່າລຸ້ນໃດທີ່ບໍ່ມີຟິວເຈີນີ້ບໍ່ຕ້ອງເປັນຫ່ວງ ເພາະ Andriod 12 ມີຟິວເຈີດັ່ງກ່າວມາໃຫ້ໃນໂຕເລີຍ
ໃຊ້ງານມືດຽວ One-hand Mode
ມີມືຖືຫຼາຍໆລຸ້ນທີ່ໃຊ້ກັນມາດົນແລ້ວ ເປັນຟິວເຈີທີ່ຊ່ວຍໃຫ້ໃຊ້ງານມືຖືໃຫຍ່ໆໄດ້ງ່າຍຂຶ້ນ ເມື່ອເຮົາເປີດໃຊ້ງານໂມດນີ້ ມັນຈະຫົດຂະໜາດລົງມາດ້ານລຸຸ່ມປະມານເຄິ່ງຈໍ ເຊິ່ງຈະເຮັດໃຫ້ສາມາດໃຊ້ນິ້ວໂປ້ກົດປຸ່ມຕ່າງໆໄດ້ງ່າຍກວ່າເກົ່າ
ລະບົບສັ່ນຕາມສຽງ
ເປັນລະບົບທີ່ເພີ່ມຄວາມຕື່ນເຕັ້ນໃຫ້ກັບສາຍເກມ ແລະຜູ້ທີ່ມັກເບິ່ງໜັງ ເຊິ່ງລະບົບຈະຈັບສຽງທີ່ອອກມາພ້ອມກັບເປີດເຄື່ອງສັ່ນໄປຕາມຈັງຫວະ ເຊັ່ນ: ຖ້າເຮົາຫຼິ້ນເກມຍິງປືນ ລະບົບກໍ່ຈະຈັບສຽງຂອງປືນແລ້ວສັ່ນໄປຕາມຈັງຫວະຂອງສຽງປືນ
ການຍົກເລີກການເຂົ້າເຖິງແອັບທີ່ບໍ່ໄດ້ໃຊ້ດົນ
ເປັນຟິວເຈີທີ່ຈະຊ່ວຍເຄີຍ Cache ເພື່ອເພີ່ມພື້ນທີ່ໃຫ້ຫຼາຍຂຶ້ນ ໂດຍລະບົບຈະກວດແອັບທີ່ບໍ່ໄດ້ໃຊ້ງານດົນເພື່ອປິດການອະນຸຍາດເຂົ້າເຖີິງ ໃຫ້ແບບອັດຕະໂນມັດ
Emoji ໃຫມ່ໆ
ໃນ Adroid 12 ຈະມີການເພີ່ມ Emoji ແບບໃຫມ່ໆ ເຂົ້າມາໃຫ້ພ້ອມເຖິງ 389 ແບບ
ສຳລັບຟິວເຈີໃນ Android 12 ນີ້ເປັນສ່ວນໜຶ່ງທີ່ເຮົານໍາສະເໜີໃຫ້ເຫັນເທົ່ານັ້ນ ເຊິ່ງຍັງມີຟິວເຈີໃຫມ່ໆເພີ່ມອີກຫຼາຍຫຼາຍກວ່ານີ້ໃນອະນາຄົດ