ປະຈຳວັນທີ 11 ທັນວາ 2021 | ໜັງສືພິມວຽງຈັນທາຍ ໄດ້ໃຫ້ຮູ້ວ່າ:
9 ເຄື່ອງໝາຍທີ່ສໍາຄັນ ຂອງໂລໂກ້ໃໝ່ກະຊວງການເງິນ
ກະຊວງການເງິນ ເຫັນດີຮັບຮອງເອົາຄວາມໝາຍ ແລະ ຮູບແບບເຄື່ອງໝາຍ (ໂລໂກ້) ຂອງກະຊວງການເງິນ ໃໝ່ ໂດຍອີງໃສ່ຕາມຂໍ້ຕົກລົງຮັບຮອງເອົາເຄື່ອງໝາຍ ໂລໂກ້ ສະບັບເລກທີ 2858/ກງ, ລົງວັນທີ 7 ກໍລະກົດ 2021
ເຊິ່ງ 9 ຈຸດເຄື່ອງໝາຍທີ່ສໍາຄັນປະກອບມີ: ຮູບທຸງຊາດລາວ ໝາຍເຖິງປະເທດລາວ, ຮູບວົງກົມສີຄຳອ້ອມຮອບ ໝາຍເຖິງຍຸດທະສາດດ້ານການເງິນ, ຮູບຮວງເຂົ້າ ໝາຍເຖິງກຳລັງແຮງໃນການຜະລິດກະສິກຳ, ພື້ນສີເງິນ ໝາຍເຖິງການຮ່ວມມືດ້ານການເງິນ ກັບພາກພື້ນ ແລະ ສາກົນ…ອ່ານຕໍ່
ຄະນະສະເພາະກິດ ຮັບຮອງແຜນເປີດເຂດທ່ອງທ່ຽວສີຂຽວ ເລີ່ມເດືອນມັງກອນ 2022
ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໄດ້ອອກຂໍ້ຕົກລົງ ເມື່ອບໍ່ດົນມານີ້ ວ່າດ້ວຍການຮັບຮອງເອົາແຜນປະຕິບັດງານຕົວຈິງ ສໍາລັບການເປີດເຂດທ່ອງທ່ຽວສີຂຽວ ເພື່ອການທ່ອງທ່ຽວທີ່ປອດໄພຈາກພະຍາດໂຄວິດ-19 ໃນ ສປປ ລາວ ພາຍໃນເດືອນ ມັງກອນ 2022
ນັກທ່ອງທ່ຽວທັງພາຍໃນ ແລະ ຕ່າງປະເທດ ທີ່ສາມາດເຂົ້າມາໃນເຂດທ່ອງທ່ຽວສີຂຽວ ຕ້ອງໄດ້ຮັບການສັກວັກຊີນຄົບໂດສ ຢ່າງໜ້ອຍ 14 ວັນກ່ອນການເດີນທາງ; ນັກທ່ອງທ່ຽວຕ່າງປະເທດ ຕ້ອງສະໝັກບັດຜ່ານເຂດທ່ອງທ່ຽວສີຂຽວ ໂດຍປະກອບຂໍ້ມູນ (Up Load) ຕ່າງໆໃສ່ແບບຟອມອອນລາຍ ຈາກເວັບໄຊທາງການ eVisa ແລະ ຕ້ອງກວດຫາເຊື້ອໂຄວິດ-19 ດ້ວຍເຄື່ອງກວດ RT-PCR ຢ່າງໜ້ອຍ 72 ຊົ່ວໂມງ ກ່ອນເດີນທາງ…ອ່ານຕໍ່
ປີ 2021 ແມ່ຍິງລາວຖືກເຄາະຮ້າຍຈາກການ ໃຊ້ຄວາມຮຸນແຮງ ແລະ ຄ້າມະນຸດ 80 ຄົນ
ໃນປີ 2021 ໄດ້ໃຫ້ການຊ່ວຍເຫຼືອແມ່ຍິງຜູ້ຖືກເຄາະຮ້າຍຈາກການໃຊ້ ຄວາມຮຸນແຮງ ແລະ ຄ້າມະນຸດ ລວມທັງໝົດ 80 ຄົນ, ໃນນີ້ຜູ້ຖືກເຄາະຮ້າຍທີ່ອາຍຸຕໍ່າກວ່າ 18 ປີ ມີ 59 ຄົນ
ການໃຊ້ຄວາມຮຸນແຮງຕໍ່ແມ່ຍິງ ແມ່ນພຶດຕິກໍາທີ່ເຮັດໃຫ້ເກີດ ຫຼື ຈະເຮັດໃຫ້ເກີດອັນຕະລາຍ, ຄວາມເສຍຫາຍຕໍ່ແມ່ຍິງ ທາງດ້ານຮ່າງກາຍ, ທາງຈິດໃຈ, ທາງເພດ, ຊັບສິນ ຫຼື ເສດຖະກິດ ໂດຍບໍ່ອ້າງອີງເຖິງຮີດຄອງປະເພນີ ຫຼື ຄວາມເຊື່ອຖື ເປັນເຫດຜົນໃນການໃຊ້ຄວາມຮຸນແຮງຕໍ່ແມ່ຍິງ ໂດຍສະມາຊິກໃນຄອບຄົວ ຫຼື ບູກຄົນອື່ນກໍ່ຕາມ…ອ່ານຕໍ່