ບໍ່ຕ້ອງຖາມໃຜ?ໃຜກໍຮູ້ເນາະວ່າ ອາຊີບທະຫານເປັນຄວາມໄຝ່ຝັນໜຶ່ງທີ່ຫຼາຍຄົນຢາກເປັນ ແລະຢູ່ໃນປະເທດເຮົາ ບຸກຄະລາກອນທາງທະຫານກໍມີຫຼາຍກວ່າໝູ່. ມື້ນີ້ເຮົາມາຮູ້ນຳກັນວ່າ ອາຊີບທະຫານມັນມີດີແນວໃດ?
ອາຊີບທະຫານ ຄືອາຊີບເປັນແນວຮົ້ວຂອງປະເທດຊາດ ມີໜ້າທີ່ປົກປ້ອງ,ຄຸ້ມຄອງອະທິປະໄຕຂອງຊາດໃຫ້ຄົງຢູ່ ແລະສອດສ່ອງເບິ່ງຄວາມສະຫງົບ,ຄວາມເປັນລະບຽບຮຽບຮ້ອຍຕາມຊາຍແດນ ບໍ່ໃຫ້ສັດຕູມາຮຸກຮານ.
ດັ່ງນັ້ນ,ອາຊີບທະຫານຈຶ່ງເປັນອາຊີບທີ່ເສຍສະຫຼະເພື່ອບ້ານເພື່ອເມືອງ ເພື່ອໃຫ້ເກີດຄວາມສະຫງົບສຸກຂອງປະຊາຊົນທຸກຊົນເຜົ່າ.
ລັກສະນະຂອງອາຊີບທະຫານ:
- ປ້ອງກັນ ແລະຮັກສາອະທິປະໄຕຂອງຊາດໃນທາງນ້ຳ.
- ປ້ອງກັນ ແລະຮັກສາອະທິປະໄຕຂອງຊາດໃນທາງບົກ.
- ປ້ອງກັນ ແລະຮັກສາອະທິປະໄຕຂອງຊາດໃນທາງອາກາດ.
- ໃຫ້ຄວາມຮ່ວມມື ແລະສະໜັບສະໜູນທະຫານນານາຊາດ ຕາມທີ່ໄດ້ຮັບຄຳສັ່ງຈາກຜູ້ບັນຊາການ.
- ແລະອື່ນໆທີ່ກ່ຽວຂ້ອງ.
ຄຸນສົມບັດຜູ້ທີ່ເປັນທະຫານ:
- ມີສຸຂະພາບຮ່າງກາຍແຂງແຮງສົມບູນ.
- ມີຄວາມອົດທົນ.
- ມີທັກສະທາງດ້ານການກິລາ ຫຼືກິດຈະກຳຢ່າງໃດໜຶ່ງ.
- ມີຄວາມຊື່ສັດສຸດຈະລິດ.
- ມີຄວາມຍຸຕິທຳ.
- ມີຄວາມເສຍສະຫຼະທາງແຮງກາຍແລະໃຈ.
- ມີຄວາມກ້າຫານ.
- ມີຄວາມລະອຽດຮອບຄອບ.
- ມີລະບຽບວິໄນ.
- ມີບຸກຄະລິກກະພາບ ແລະມີຄວາມສູງຕາມທີ່ກຳນົດໄວ້.
- ຮັກປະເທດຊາດ, ຢູ່ພາຍໃຕ້ຮົ່ມທຸງພັກ ປຊຊ ລາວ.
- ອື່ນໆ.