ຟູດແພນດ້າເດີນໜ້າສືບຕໍ່ຊ່ວຍເຫຼືອສັງຄົມໃນລາວ ແລະ ລ່າສຸດ ຟູດແພນດ້າໄດ້ແຈກຢາຍ ເຄື່ອງອຸປະໂພກ-ບໍລິໂພກ ໃຫ້ 210 ຄອບຄົວທີ່ອາໄສຢູ່ໃນຊຸມຊົນແອອັດ ເນື່ອງໃນໂອກາດສະຫລອງຄົບຮອບ 2 ປີ ແລະ ໃຫ້ບໍລິການທົ່ວປະເທດ
ໃນຕອນເຊົ້າ ຂອງວັນທີ 18 ທັນວາ 2021 ທີ່ນະຄອນຫລວງວຽງຈັນ, ບໍລິສັດ Delivery Hero Lao ຫຼື ຟູດແພນດ້າ, ນໍາພາໂດຍ ທ່ານ ອາບຣາຮຳ ໄຊຍະວົງ, ຫົວໜ້າພະແນກ ການຕະຫລາດ ບໍລິສັດ Delivery Hero Lao ພ້ອມດ້ວຍພະນັກງານ ຟູດແພນດ້າ, ໄຣເດີ້ ແລະ ອາສາສະໝັກຈາກຫຼາຍພາກສ່ວນ ໄດ້ລົງພື້ນທີ່ຊຸມຊົນແອອັດ 3 ໝູ່ບ້ານເຊັ່ນ: ບ້ານ ຫັດສະດີ, ບ້ານ ທົ່ງຂັນຄຳ ແລະ ບ້ານໜອງດ້ວງທົ່ງ ເພື່ອແຈກຢາຍຖົງ ປັນຄວາມສຸກ ໃຫ້ 210 ຄອບຄົວເຊິ່ງໃນຖົງປັນຄວາມສຸກ ດັ່ງກ່າວປະກອບມີ ເຄື່ອງອຸປະໂພກບໍລິໂພກຫຼາຍຢ່າງເຊັ່ນ: ເຂົ້າສານ, ໄຂ່, ສະອິວ, ໝີ່ ແລະ ອື່ນໆ.
ເນື່ອງຈາກການແຜ່ລະບາດ ຂອງພະຍາດໂຄວິດຍັງມີການເພີ່ມທະວີຕໍ່ເນື່ອງ, ຟູດແພນດ້າເອງ ຍັງໄດ້ ຮ່ວມກັບ ມູນນິທິຊ່ວຍເຫລືອຄົນທຸກຍາກ ແຫ່ງ ສ.ປ.ປ.ລາວ ມອບອຸປະກອນພື້ນຖານໃນການປ້ອງກັນພະຍາດໂຄວິດ ເຊັ່ນ: ໜ້າກາກອານາໄມ ແລະ ສະເປແອວກໍຮໍ ໃຫ້ກັບແຕ່ລະຄອບຄົວ ແລະ ນອກຈາກນັ້ນ ຍັງໄດ້ສີດພົ່ນນໍ້າຢາຂ້າເຊື້ອໃນພື້ນທີ່ຂອງແຕ່ລະໝມູ່ບ້ານ ເພື່ອໃຫ້ປະຊາຊົນໃນເຂດດັ່ງກ່າວ ໄດ້ໃຊ້ຊີວິດຫ່າງຈາກເຊື້ອພະຍາດນຳອີກ. ເຄື່ອງທີ່ມອບໃຫ້ກັບ ຄອບຄົວທີ່ອາໄສໃນຊຸມຊົນແອອັດ ລວມມູນຄ່າ 25,000,000 ກີບ ເຊິ່ງປະກອບມີ:
- ເຂົ້າສານ ຈຳນວນ 1kg 210 ຖົງ
- ນ້ຳປາ ຈຳນວນ 210 ຕຸກ
- ສະອິວ ຈຳນວນ 210 ຕຸກ
- ແປ້ງນົວ ຈຳນວນ 210 ຖົງ
- ເກືອຈຳນວນ 210 ຖົງ
- ນ້ຳຕານ ຈຳນວນ 210 ຖົງ
- ຄະນໍ ຈຳນວນ 210 ຖົງ
- ໄຂ່ໄກ່ ຈຳນວນ 1,260 ໜ່ວຍ
- ໝີ່ກຶ່ງສຳເລັດຮູບ ຈຳນວນ 1,050 ຫໍ່
- ຜົງສັກຜ້າ ຈຳນວນ 210 ຫໍ່
- ໜ້າກາກອານາໄມ ຈຳນວນ 210 ກັບ
- ສະເປແອວກໍຮໍ ຈຳນວນ 210 ອັນ
ໃນກິດຈະກຳດັ່ງກ່າວ ທ່ານ ອາບຣາຮຳ ໄຊຍະວົງ ຍັງໄດ້ກ່າວຕໍ່ກັບບັນດານາຍບ້ານຂອງແຕ່ລະບ້ານວ່າ: “ຟູດແພນດ້າໄດ້ຢູ່ຄຽງຂ້າງ ແລະ ຊ່ວຍເຫຼືອສັງຄົມລາວມາຕະຫລອດໄລຍະ 2 ປີ ແລະ ພວກເຮົາຈະສຶບຕໍ່ໃນການຊ່ວຍເຫຼືອສັງຄົມລາວ ອີກຕໍ່ໄປ, ໂດຍສະເພາະຊ່ວງນີ້ ຊ່ວງທີ່ມີການແຜ່ລະບາດຂອງພະຍາດໂຄວິດ 19 ທີ່ແກ່ຍາວເວລາມາດົນ ອັນສົ່ງຜົນກະທົບຕໍ່ເສດຖະກິດ, ສັງຄົມ ແລະ ຊິວິດການເປັນຢູ່ປະຈໍາວັນຂອງພວກເຮົາ, ສະນັ້ນ ຈຶ່ງໄດ້ມີກຳຈະກຳນີ້ຂື້ນນມາ ໂດຍການແຈກຢາຍຖົງເຄື່ອງ ອຸປະໂພກ-ບໍລິໂພກ ຈຳນວນ 210 ຖົງ ແລະ ສີດຢາຂ້າເຊື້ອໃນພື້ນທີ່ບ້ານ, ເພື່ອເປັນກຳລັງໃຈໃຫ້ບັນດາ ຄອບຄົວທີ່ຢູ່ໃນຊຸມຊົນແອອັດນີ້ ເພື່ອໃຫ້ພວກເຮົາຂ້າມຜ່ານວິກິດນີ້ໄປພ້ອມໆກັນ.”
ນອກຈາກນີ້, ຟູດແພນດ້າ ໃນອີກ 17 ແຂວງກໍ່ໄດ້ ຮ່ວມສະຫລອງການຄົບຮອບ 2 ປີ ແລະ ເປີດບໍລິການທົ່ວປະເທດ ໂດຍການນຳພາຂອງ ຜູ້ຈັກການໃນແຕ່ລະແຂວງ ໄດ້ເຮັດກິດຈະກຳມອບເຄື່ອງ ອຸປະໂພກ-ບໍລິໂພກ ແລະ ອຸປະກອນໃຊ້ໃນການປ້ອງກັນພະຍາດໂຄວິດ ໃຫ້ກັບບັນດາຄະນະສະເພາະກິດປະຈຳແຂວງ ແລະ ຊຸມຊົນທີ່ຂາດແຂນໃນແຂວງຂອງຕົນ ເຊິ່ງລວມມູນຄ່າທັງໝົດ 72,000,000 ກີບ.
ສະຫລຸບລວມແລ້ວ ພາຍໃນປີ 2021 ນີ້ ຟູດແພນດ້າ ໄດ້ຈັດກິດຈະກຳຊ່ວຍເຫຼືອສັງຄົມລາວ, ຄືນກຳໄລໃຫ້ລູກຄ້າ, ບັນດາຮ້ານຄ້າ, ຄູ່ຮ່ວມທຸລະກິດ ແລະ ໄຣເດີ້ທົ່ວປະເທດທັງໝົດ ລວມມູນຄ່າຫຼາຍກວ່າ 700,000,000 ກີບ!
#foodpandaLA
#foodpandadonates
#ຟູດແພນດ້າ
#ຟູດແພນດ້າບໍລິຈາກ
#ຟູດແພນດ້າຊ່ວຍເຫຼືອສັງຄົມ