ປະຈຳວັນທິ 5 ມີນາ 2022 | ໜັງສືພິມວຽງຈັນທາຍ ໄດ້ໃຫ້ຮູ້ວ່າ:
ເມືອງລະຄອນເພັງ ເພີ່ມທະວີຄວາມເຂັ້ມງວດປ່າສະຫງວນແຫ່ງຊາດ ຫ້າມລ່າສັດ.
ອໍານາດການປົກຄອງ ເມືອງລະຄອນເພັງ ແຂວງສາລະວັນ ໄດ້ອອກຄໍາສັ່ງວ່າດ້ວຍການເພີ່ມທະວີຄວາມເຂັ້ມງວດ ການຄຸ້ມຄອງ, ປົກປັກຮັກສາປ່າສະຫງວນແຫ່ງຊາດ ໃນຂອບເຂດເມືອງລະຄອນເພັງ ເຖິງພໍ່ແມ່ປະຊາຊົນທົ່ວເມືອງລະຄອນເພັງ ໂດຍສະເພາະບ້ານທີ່ຕິດແປະປ່າສະຫງວນແຫ່ງຊາດ ພູຊຽງທອງ ແລະ ປ່າສະຫງວນແຫ່ງຊາດ ເຊບັ້ງນວນ
ຫ້າມອົງການຈັດຕັ້ງຂັ້ນຕ່າງໆ, ພໍ່ແມ່ປະຊາຊົນ ແລະ ນິຕິບຸກຄົນເຂົ້າໄປລ່າສັດນໍ້າ-ສັດປ່າ, ຈູດປ່າຂຸດຄົ້ນໄມ້, ເຄື່ອນຍ້າຍໄມ້, ເຄື່ອງປ່າຂອງດົງ ແລະ ນໍາເອົາສິ່ງຂອງທີ່ມີຄຸນຄ່າທາງຮ່ອງຮອຍດ້ານປະຫັວດສາດ ອອກຈາກປ່າ ສະຫງວນແຫ່ງຊາດ ຢ່າງເດັດຂາດ ແລະ ຫ້າມອົງການຈັດຕັ້ງຂັ້ນຕ່າງໆພະນັກງານ-ລັດຖະກອນ, ເຈົ້າໜ້າທີ່, ພໍ່ແມ່ປະຊາຊົນ ແລະ ນິຕິບຸກຄົນ ເຂົ້າໄປ ຈັບຈອງ, ບຸກລຸກຖາກຖາງປ່າໄມ້ ເພື່ອທຳການຜະລິດ ຫຼື ເຂົ້າໄປຕັ້ງຖີ່ນຖານທີ່ຖາວອນ…ອ່ານຕໍ່
ເຫຼົ້າລາວດີ ຈະຈັດສົ່ງໄປຈຳໜ່າຍຢູ່ຈີນ.
ເຫຼົ້າຂາວ ທີ່ມີຊື່ວ່າເຫຼົ້າລາວດີ ຊຶ່ງແມ່ນບໍລິສັດອຸດສາຫະກຳ ກະເສດອິນຊີ ຈຳກັດຜູ້ດຽວເປັນຜູ້ຜະລິດໄດ້ມີການສົ່ງໄປຈໍາໜ່າຍຢູ່ ສປ ຈີນແລ້ວໂດຍແມ່ນບໍລິສັດປັກກິ່ງສີຊຽງ ຢູ້ຍຫຼົງ ການຄ້າຈຳກັດໄດ້ມີການເຊັນສັນຍາກັບບໍລິສັດອຸດສາຫະກຳ ກະເສດອິນຊີ ຈຳກັດຜູ້ດຽວ
ໂດຍໃນຕົ້ນປີ 2022 ຈະສົ່ງອອກໃຫ້ໄດ້ປະມານ 10.000 ກວ່າແກ້ວ ເຊິ່ງກຳລັງການຜະລິດຢູ່ໂຮງງານຂອງພວກເຮົາໃນປັດຈຸບັນແມ່ນ ຜະລິດໄດ້ປະມານ 30.000-40.000 ລິດຕໍ່ປີ…ອ່ານຕໍ່
ລັດຖະບານອະນຸຍາດອອກວີຊາ ໃຫ້ກຸ່ມເປົ້າໝາຍທີ່ໄດ້ລົງທະບຽນ QR-Code ໂດຍບໍ່ຜ່ານຄະນະສະເພາະກິດ
ລັດຖະບານລາວ ໄດ້ອະນຸຍາດໃຫ້ກະຊວງການຕ່າງປະເທດ ອອກວີຊາເຂົ້າ-ອອກປະເທດລາວໃຫ້ບັນດາກຸ່ມເປົ້າໝາຍທີ່ໄດ້ລົງທະບຽນ QR-Code (Vaccine ID) ໃນເວັບໄຊ laogreenpass.gov.la ໂດຍບໍ່ຜ່ານຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19
ໂດຍກຸ່ມເປົ້າໝາຍດັ່ງກ່າວນັ້ນປະກອບມີນັກການທູດ ແລະ ພະນັກງານສະຖານທູດຕ່າງປະເທດ, ພະນັກງານຜູ້ຕາງໜ້າອົງການຈັດຕັ້ງສາກົນ ທີ່ນອນໃນເຄືອຂ່າຍ ຂອງອົງການສະຫະປະຊາຊາດ, ອົງການຈັດຕັ້ງສາກົນທີ່ ໄດ້ຮັບເອກະສິດ…ອ່ານຕໍ່