ປະຈຳວັນທີ 30 ເມສາ 2022 | ໜັງສືພິມວຽງຈັນທາຍ ໄດ້ໃຫ້ຮູ້ວ່າ:
ການກໍ່ສ້າງປ້ອງກັນຕາຝັ່ງເຈື່ອນ ພ້ອມທາງຍ່າງລຽບແຄມຂອງ ແຂວງບໍ່ແກ້ວ ສຳເລັດແລ້ວ 97%
ໂຄງການປັບປຸງທ່າເຮືອ, ກໍ່ສ້າງປ້ອງກັນຕາຝັ່ງເຈື່ອນ ພ້ອມທາງຍ່າງລຽບແຄມຂອງ ແຂວງບໍ່ແກ້ວ ທີ່ນອນຢູ່ໃນໂຄງການພັດທະນາຕົວເມືອງຫ້ວຍຊາຍ ຕາມແລວທາງ ອະນຸພາກພື້ນແມ່ນ້ຳຂອງ, ໂດຍລວມແມ່ນສໍາເລັດແລ້ວຫຼາຍກວ່າ 97%.
ໂຄງການດັ່ງກ່າວນີ້ປະກອບມີການກໍ່ສ້າງປ້ອງກັນຕາຝັ່ງແຄມຂອງທີ່ມີຄວາມຍາວ 960 ແມັດ, ມີທາງຍ່າງ, ມີຂົວເບຕົງເສີມເຫຼັກຂ້າມຮ່ອງ 1 ແຫ່ງ ພ້ອມລະບົບໄຟແສງສະຫວ່າງ, ກໍ່ສ້າງເສັ້ນ ທາງເຂົ້າທ່າເຮືອປູດ້ວຍເບຕົງໜາ 23 ຊັງຕີແມັດ, ກວ້າງ 6-9 ແມັດ, ມີໄຟເຍືອງທາງຄົບຊຸດ, ກໍ່ສ້າງອາຄານ 2 ຫຼັງ…ອ່ານຕໍ່
ຊາວກະສິກອນ ໃນຂະແໜງກາເຟ ແລະ ຊາໄດ້ຮັບການປົກປ້ອງທາງສັງຄົມ ແລະ ສິດທິດ້ານແຮງງານ
ແຮງງານໃນຂະແໜງກາເຟ ແລະ ຊາ ຂອງ ສປປ ລາວ ຈະໄດ້ຮັບຜົນປະໂຫຍດຈາກການເຂົ້າເຖິງການປົກປ້ອງທາງສັງຄົມທີ່ດີຂຶ້ນ ແລະ ຄວາມປອດໄພ ແລະ ສຸຂະພາບແຮງງານຈະໄດ້ຮັບການປັບປຸງຂື້ນພາຍຫຼັງໂຄງການໃໝ່ຂອງອົງການແຮງງານສາກົນທີ່ໄດ້ຮັບທຶນຈາກສະຫະພາບເອີຣົບ (EU)
ໂຄງການ “ຫຼຸດຜ່ອນຄວາມສ່ຽງໃນ ສປປ ລາວ: ສ້າງຄວາມກ້າວໜ້າໃຫ້ແກ່ລະບົບປົກປ້ອງສັງຄົມ ແລະ ສິດທິດ້ານແຮງງານສຳລັບຊາວກະສິກອນໃນຂະແໜງກາເຟ ແລະ ຊາ ຂອງສປປລາວ (SOLAR)” ໄດ້ເປີດເປັນທາງການໃນມື້ວັນທີ 28 ເມສາ 2022 ທີ່ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ປະເດີມພອນ ສົນທະນີ ຮອງລັດຖະມົນຕີກະຊວງ ແຮງງານ ແລະ ສະຫວັດດີການສັງຄົມ….ອ່ານຕໍ່
ທົ່ວປະເທດ ມີເດັກນ້ອຍເອັສໂອເອັສລາວ ຫຼາຍກວ່າ 900 ຄົນ
ປະຈຸບັນ, ສປປ ລາວ ມີບ້ານຊ່ວຍເຫຼືອເດັກນ້ອຍເອັສໂອເອັສລາວ (SOS) ທັງໝົດ 6 ແຫ່ງ, ມີເດັກນ້ອຍຢຸ່ໃນການຄຸ້ມຄອງທັງໝົດ 984 ຄົນ (ຍິງ 438 ຄົນ) ໃນຂອບເຂດທົ່ວປະເທດ, ຊຶ່ງຈໍານວນບ້ານຊ່ວຍເຫຼືອເດັກ ແລະ ຈໍານວນເດັກນ້ອຍຢຸ່ໃນການຄຸ້ມຄອງ ນີ້ ແມ່ນໄດ້ລາຍງານໃນກອງປະຊຸມຄະນະກຳມະການຄຸ້ມຄອງບ້ານຊ່ວຍເຫຼືອເດັກນ້ອຍເອັສໂອເອັສລາວ ປະຈຳປີ 2021
ບ້ານຊ່ວຍເຫຼືອເດັກນ້ອຍເອັສໂອເອັສລາວ ແມ່ນໄດ້ຮັບການຈັດຕັ້ງປະຕິບັດ ແລະ ມີຜົນສຳເລັດຫຼາຍດ້ານ, ເຊິ່ງສະແດງອອກໃນການປັບປຸງ ບ້ານຊ່ວຍ ເຫຼືອເດັກເອັສໂອເອັສ ດ້ວຍການສ້າງນິຕິກຳ; ປັບປຸງລະບົບກົນໄກການປະສານງານ ຢູ່ແຕ່ລະຂັ້ນ…ອ່ານຕໍ່