ເຊົ້າມື້ນີ້ ທີ່ຫ້ອງການມໍລະດົກໂລກວັດພູຈຳປາສັກ ອົງການ AFD ປະເທດຝຣັ່ງ ຈັດກອງປະຊຸມປຶກສາຫາລືແລກປ່ຽນຄຳຄິດເຫັນກ່ຽວກັບການສ້າງແຜນໂຄງການຮ່ວມມືໃນການປົກປັກຮັກສາ ແລະ ພັດທະນາມໍລະດົກວັດວັດທະນະທຳຢູ່ພື້ນທີ່ມໍລະດົກໂລກວັດພູຈຳປາສັກ ແລະ ແຫຼ່ງບູຮານສະຖານ ມໍລະດົກວັດທະນະທຳອັນລໍ້າຄ່າຢູ່ແຂວງສະຫວັນນະເຂດ.

ຜູ້ຕາງໜ້າອົງການ AFD ຈາກປາຣີ ປະເທດຝຣັ່ງ ໄດ້ມີຄຳເຫັນຕໍ່ກອງປະຊຸມວ່າ ການສຶກສາຄົ້ນຄວ້າ ແລະ ວາງແຜນທີ່ຈະໃຫ້ການຊ່ວຍເຫຼືອຫ້ອງການມໍລະດົກໂລກວັດພູຈຳປາສັກ ແລະ ພະແນກ ຖວທ ແຂວງສະຫວັນນະເຂດ ສຳລັບວຽກງານການປົກປັກຮັກສາມໍລະດົກວັດທະນະທຳຄັ້ງນີ້ ລວມມູນຄ່າການຊ່ວຍເຫຼືອປະມານ 600 ລ້ານກວ່າເອີໂຣ ຊຶ່ງຄາດວ່າຈະສາມາດຈັດຕັ້ງປະຕິບັດໄດ້ນັບຈາກທ້າຍປີ 2019 ນີ້ເປັນຕົ້ນໄປ. 

Cr. ສາລາກາວີ ງົວ ແລະ ກວຽນ