ຮອງເຈົ້າເມືອງປາກລາຍ, ຄະນະຮັບຜິດຊອບຈັດງານບຸນອອກພັນສາປະວໍລະນາ (ບຸນຊ່ວງເຮືອ) ປະຈຳປີ ພສ 2565 ຂັ້ນເມືອງ ໄດ້ໃຫ້ຮູ້ວ່າ: ໃນລະຫວ່າງ ວັນທີ 10-11 ຕຸລາ 2022 ນີ້, ອົງການປົກຄອງ ເມືອງ ພ້ອມດ້ວຍພໍ່ແມ່ປະຊາຊົນພາຍໃນເທດສະບານ ເມືອງປາກລາຍ ຈະໄດ້ຈັດງານບຸນອອກພັນສາປະວໍລະນາ (ບຸນຊ່ວງເຮືອ) ປະຈຳປີ ພສ 2565 ຢຸ່ທ່າເຮືອໃຫຍ່ຂອງເມືອງປາກລາຍ.
ດັ່, ເຊິ່ງການຈັດງານປີນີ້ ຈະໄດ້ຈັດຂຶ້ນເປັນເວລາ 2 ວັນ ຄື: ວັນທີ 10 ຕຸລາ 2022 ແມ່ນ ການແຂ່ງຂັນຊ່ວງເຮືອປະເພດຍິງ ແລະ ວັນທີ 11 ຕຸລາ 2022 ແມ່ນການແຂ່ງຂັນຊ່ວງເຮືອປະເພດຊາຍ.
ພ້ອມກັນນີ້, ໃນການຈັດງານແຂ່ງຂັນກິລາເຮືອຊ່ວງ ຂອງເມືອງຝາກລາຍປີນີ້ ແມ່ນເປັນການເປີດກວ້າງ ທຸກພາກສ່ວນທີ່ມີເງື່ອນໄຂສາມາດເຂົ້າຮ່ວມ ກະກຽມສ້ອມແປງເຮືອຊ່ວງ, ກະກຽມຄວາມພ້ອມດ້ານພາຍ ເພື່ອເຮັດໃຫ້ ງານບຸນຊ່ວງເຮືອປະຈຳປີມີຄວາມເບີກບານມ່ວນຊື່ນຄົກຄື້ນຢ່າງເປັນຂະບວນການ.
