ທີ່ ຫ້ອງການບ້ານ ບ້ານນໍ້າຊານ ໄດ້ມີພິທີຮັບຮອງ ບ້ານ ນໍ້າຊານ ແລະ ບ້ານຫຼວງພັນໄຊ ເມືອງລ້ອງແຈ້ງ ແຂວງໄຊສົມບູນ ເປັນບ້ານວັດທະນະທຳ ໂດຍການເຂົ້າຮ່ວມເປັນປະທານຂອງ ທ່ານ ຕົ່ງມົວ ຊົວໂກ້, ຮອງເຈົ້າແຂວງໄຊສົມບູນ ຜູ້ຊິ້ນຳວຽກງານ ວັດທະນະທຳ-ສັງຄົມ ແລະ ຜູ້ທີ່ກ່ຽວຂ້ອງ ເຂົ້າຮ່ວມ.
ບ້ານນໍ້າຊານ ແລະ ບ້ານຫຼວງພັນໄຊ ມີປະຊາກອນທັງໝົດ 1.758 ຄົນ, ຍິງ 709 ຄົນ, ໃນນັ້ນ ບ້ານນໍ້າຊານ ມີ 231 ຄອບຄົວ ຜ່ານການປະເມີນມີຄອບຄົວວັດທະນະທໍາ 212 ຄອບຄົວ ເທົ່າກັບ 91,77% ແລະ ບ້ານຫຼວງພັນໄຊ ມີ 101 ຄອບຄົວ.
ເຊິ່ງຜ່ານການປະເມີນມີຄອບຄົວວັດທະນະທໍາ ໄດ້ 93 ຄອບຄົວ ເທົ່າກັບ 92,07% ດັ່ງນັ້ນ ທາງຄະນະນໍາເຫັນວ່າໄດ້ຕາມລະດັບຄາດໝາຍຕົວຊີ້ວັດ ຈື່ງໄດ້ປະກາດຮັບຮອງເປັນບ້ານວັດທະນະທຳ ແຫ່ງທີ 6, ແຫ່ງທີ 7 ຂອງເມືອງລ້ອງແຈ້ງ ແລະ ເປັນບ້ານ ວັດທະນະທຳ ແຫ່ງທີ 66, ແຫ່ງທີ 67 ຂອງແຂວງໄຊສົມບູນ ແລະ ມອບໃບຢັ້ງຢືນບ້ານວັດທະນະທໍາໃຫ້ແກ່ 2 ບ້ານດັ່ງກ່າວ.
ທີ່ມາ: ທ້າວ ເຢັ້ງເຊີຍເຊ່ຍມົວ ຈົ່ງວ່າຊົວໂກ້