ຂັບລົດໄລຍະທາງໄກນັ້ນ ມັນໃຊ້ເວລາດົນເພື່ອໄປຮອດປາຍທາງ ອາຫານທີ່ເຮົາກິນກໍມີຄວາມສໍາຄັນຫຼາຍໃນເວລາເດີນທາງໄກ, ຄວນງົດອາຫານປະເພດ ນົມ, ຊີ້ນດິບ, ອາຫານທີ່ເປັນກົດເຊັ່ນ: ໝາກກ້ຽງ, ໝາກນາວ, ໝາກຫຸ່ງ ຫຼື ອາຫານຈືນ ແລະ ອື່ນໆ, ອາຫານເຫຼົ່ານີ້ຄວນຫຼີກລ່ຽງໃຫ້ໝົດ ເພາະມັນສາມາດເຮັດໃຫ້ເກີດອາການທ້ອງອືດ, ຖອກທ້ອງ ແລະ ອາຫານເປັນພິດ.
ທາງທີ່ດີຄວນກິນອາຫານເບົາໆກ່ອນເຊັ່ນ: ໝາກໄມ້ ເພື່ອຊ່ວຍໃຫ້ຢູ່ທ້ອງ ແລະ ບໍ່ອີ່ມຫຼາຍ. ເພາະຖ້າອີ່ມຈົນເກີນໄປຈະເຮັດໃຫ້ນອນຫຼັບໄດ້. ເຮັດໃຫ້ຂັບລົດບໍ່ໄດ້ ແລະ ຄວນບໍລິໂພກອາຫານກ່ອນອອກເດີນທາງ ເພື່ອຊ່ວຍບໍ່ໃຫ້ຫິວເວລາເດີນທາງ ເຮັດໃຫ້ການເດີນທາງໄປໄດ້ດ້ວຍດີ ແລະ ໄປເຖິງຈຸດຫມາຍປາຍທາງໄດ້ຢ່າງປອດໄພ.
ສໍາລັບຊ່ວງບຸນປີໃໝ່ລາວ ຜູ້ທີ່ຈະໄປຕ່າງແຂວງ ຫຼື ຫຼາຍຄົນຈະເດີນທາງກັບບ້ານ ໂດຍລົດໄຟ, ຍົນ ຫຼື ລົດເມ ກໍຢ່າລືມດູແລສຸຂະພາບນຳເດີ້. ເພາະຖ້າສຸຂະພາບຂອງເຮົາບໍ່ດີໃນຊ່ວງວັນພັກຍາວ ອາດເຮັດໃຫ້ເຮົາເສຍໂອກາດໃນການເດີນທາງໄປບ່ອນຕ່າງໆທີ່ເຮົາຢາກໄປໄດ້.