ຖ້າເວົ້າເຖິງລະບົບປະຕິບັດການໃນໂທລະສັບມືຖືທີ່ຄົນລາວໃຊ້ ເຮົາຈະຄິດເຖິງ Android ກັບ IOS ແຕ່້ມື່ອບໍ່ດົນມານີ້ Xiaomi ໄດ້ປະກາດເປີດໂຕລະບົບປະຕິບັດການໂຕໃໝ່ທີ່ເອີ້ນວ່າ HyperOS ໂດຍ Xiaomi ຢັ້ງຢືນວ່າຈະວາງຈຳໜ່າຍໃນທົ່ວໂລກ ແລະ ເປີດໂຕໃນ Xiaomi 14 Series.
ເຊິ່ງລະບົບ HyperOS ຈະຄ່ອຍໆເຂົ້າມາແທນທີ່ລະບົບປະຕິບັດການທີ່ໃຊ້ໃນປັດຈຸບັນເຊັ່ນ MIUI ຂອງ Xiaomi, HyperOS ຖືກປ່ອຍອອກມາເພື່ອຮອງຮັບກຸ່ມຜະລິດຕະພັນທີ່ຫຼາກຫຼາຍຂອງ Xiaomi ແລະ ຈະເຊື່ອມໂຍງລະບົບທັງໝົດ (ecosystem) ຂອງຜະລິດຕະພັນທັງໝົດ 200 ກວ່າໝວດໝູ່ ບໍ່ວ່າຈະເປັນ ອຸປະກອນສະມາດໂຮມ, ລົດໃຫຍ່ ແລະ ອື່ນໆ ເຂົ້າກັນ ເຊິ່ງຕ່າງຈາກລະບົບ MIUI ທີ່ຮອບຮັບແຕ່ໃນໂທລະສັບ ແລະ ແທັບເລັດ.
Lei Jun ຊີອີໂອຂອງ Xiaomi ໄດ້ອະທິບາຍໂດຍໂພສໃນ Weibo ວ່າ: HyperOS ນັ້ນ ເປນັລະບົບປະຕິບັດການທີ່ມີ Android ເປັຮພື້ນຖານທີ່ພັດທະນາເຂົ້າກັບລະບົບ Vela ທີ່ Xiaomi ພັດທະນາຂຶ້ນເອງ ແລະ ຂຽນໂຄງສ້າງພື້ນຖານຂຶ້ນໃໝ່ທັງໝົດສຳລັບອຸປະກອນ IoT ເປັນໝື່ນລ້ານເຄື່ອງ ແລະ ຈະຮອງຮັບການເຊື່ອມຕໍ່ອຸປະກອນອີກໝື່ນລ້ານຂຶ້ນ ໃນອະນາຄົດ.
HyperOS ຈະຖືກໂຫລດໄວ້ລ່ວງໜ້າໃນໂທລະສັບ Xiaomi 14 Series ແຕ່ Xiaomi ກໍບໍ່ໄດ້ສະແດງໃຫ້ເຫັນວ່າ OS ດັ່ງກ່າວຈະມີລັກສະນະເປັນແນວໃດ ແລະ ຍັງບໍ່ມີລາຍລະອຽດກ່ຽວກັບຟີເຈີໃໝ່ໃດໆເລີຍ ຄາດວ່າ Xiaomi ຈະເປີດເຜີຍຂໍ້ມູນ HyperOS ເພີ່ມເຕີມພ້ອມກັບການເປີດໂຕໂທລະສັບໂຕໃໝ່ໃນໄວໆນີ້.
ທີ່ມາ: Android Authority