ອາກາດທີ່ປ່ຽນແປງຕະຫຼອດ ບຶດຮ້ອນ ບຶດໜາວ ຫຼື ອາດມີຝົນຕົກ ຖືເປັນອີກໜຶ່ງສາເຫດ ທີ່ເຮັດໃຫ້ເກີດອາການໂຣກພູມແພ້ອາກາດໄດ້, ໂດຍໂຣກດັ່ງກ່າວ ມັກເກີດຈາກຄວາມຜິດປົກກະຕິໃນລະບົບພູມຄຸ້ມກັນຂອງຮ່າງກາຍ ເມື່ອຮ່າງກາຍໄດ້ຮັບສານກໍ່ພູມແພ້ທາງການຫາຍໃຈເຂົ້າໄປ ກໍຈະເຮັດໃຫ້ມີອາການໄດ້.
ພູມແພ້ອາກາດ (Allergic Rhinitis) ຄືການອັກເສບ ຂອງເນື້ອເຍື່ອດັງ ເມື່ອລະບົບພູມຄຸ້ມກັນຂອງຮ່າງກາຍມີປະຕິກິລິຍາຕອບສະໜອງຕໍ່ສານກໍ່ພູມແພ້ອາກາດ “ພູມແພ້ອາກາດ” ຖືວ່າ ເປັນໂຣກໜຶ່ງ ຂອງພູມແພ້ລະບົບທາງເດີນວຫາຍໃຈ ໂດຍມີສາເຫດຫຼັກໆ ທີ່ເກີດຈາກການຖ່າຍທອດທາງກຳມະພັນ ແລະ ສິ່ງແວດລ້ອມ.
ເຊິ່ງເຮົາສາມາດສັງເກດແອາການຂອງໂຣກພດູມແພ້ອາກາດໄດ້ດັ່ງນີ້:
- ຈາມຕິດຕໍ່ກັນ
- ເປັນຫວັດຕະຫຼອດ
- ມີນ້ຳມູກໃສໄຫຼອອກຕະຫຼອດເວລາ
- ຄັນດັງ, ຄັນຕາ
- ຄັດດັງ ຫາຍໃຈບໍ່ສະດວກ
- ຈາມ, ໄອ ຫຼື ເຈັບຄໍ
- ເປັນຫວັດຊຳເຮື້ອ ຫຼື ໄຊນັສອັກເສບ
ຜູ້ປ່ວຍທີ່ເປັນໂຣກພູມແພ້ອາກາດ ຄວນເບິ່ງແຍງໂຕເອງດ້ວຍວິທີຕ່າງໆດັ່ງນີ້: - ຮັກສາສຸຂະພາບຮ່າງກາຍໃຫ້ແຂງແຮງ
- ອອກກຳລັງກາຍຢ່າງສະໝ່ຳສະເໝີ
- ຫຼີກຫຼ່ຽງການສຳພັດກັບສານກໍ່ພູມແພ້
- ເບິ່ງແຍງສຸຂະລັກສະນະພາຍໃນບ້ານ
- ໃຊ້ຢາຕາມທີ່ແພດສັ່ງ ບໍ່ດຄວນໃຊ້ຢາເອງ
ໂຣກພູມແພ້ອາກາດບໍ່ແມ່ນໂຣກທີ່ຕິດເຊື້ອ ແຕ່ສາມາດເປັນອັນຕະລາຍອຕໍ່ຊີວິດໄດ້ ຖ້າເກີດຮ່ວມກັບໂຣກຫອບຫືດ ແລະ ມີອາການແພ້ຢ່າງຮຸນແຮງ, ໂດຍໂຣກດັ່ງກ່າວມັກພົບຄວາມສ່ຽງກັບຜູ້ປ່ວຍໂຣກພູມແພ້ອາກາດສູງ ແລະ ມີທ່າອ່ຽວເພີ່ມຂຶ້ນຢ່າງຕໍ່ເນື່ອງ ໂດຍພູມແພ້ໃນເດັກມັກມີຕັ້ງແຕ່ອາຍຸ 8-11 ປີ ຖ້າຫາກພໍ່ແມ່ສົງໄສວ່າ ລູກເປັນໂຣກພູມແພ້ ຄວນຟ້າວພາມາປຶກສາທ່ານໝໍ ເພື່ອຮັບການກວດ ແລະ ປິ່ນປົວຢ່າງຖືກຕ້ອງ.