ຫຼາຍຄົນອາດຈະລຶ້ງເຄີຍ ກັບການຕື່ນຂຶ້ນມາຍາມເຊົ້າ ແລ້ວຍ່າງໄປຊົງກາເຟມາດື່ມ ຈົນອາດຄິດວ່າ ຕື່ນຂຶ້ນມາປຸບ ກໍດື່ມກາເຟໄດ້ເລີຍ, ແຕ່ຄວາມເປັນຈິງແລ້ວ ຄຳແນະນຳທົ່ວໄປຄື ຄວນດື່ມກາເຟຫຼັງຕື່ນນອນປະມານ 1-2 ຊົ່ວໂມງ ຈະເປັນຊ່ວງເວລາທີ່ເໝາະສົມກວ່າ ດ້ວຍເຫດຜົນຄື:
1. ລະດັບ ຄໍຕິຊອນ ໃນຮ່າງກາຍ
ພາຍໃນຊ່ວງ 30 ນາທີທຳອິດຫຼັງຈາກຕື່ນນອນ ຮ່າງກາຍຈະມີລະດັບ ຮໍໂມນຄໍຕິຊອນ ສູງສຸດໃນຮອບວັນ ຄໍຕິຊອນ ເປັນຮໍໂມນທີ່ຊ່ວຍໃຫ້ຮູ້ສຶກຕື່ນຕົວ ດັ່ງນັ້ນ, ຖ້າດື່ມກາເຟໃນຊ່ວງນີ້ ຈະເຮັດໃຫ້ເກີດການທັບຊ້ອນຂອງກາເຟ ແລະ ຄຳຕິຊອນ ອາດເຮັດໃຫ້ເກີດຕື່ນເຕັ້ນ ຫຼື ກະວົນກະວາຍໄດ້.
2. ການດູດຊຶມ ຄາເຟອີນ
ໃນຊ່ວງ 1-2 ຊົ່ວໂມງທຳອິດຫຼັງຕື່ນ ລະບົບການຍ່ອຍອາຫານ ແລະ ການດູດຊຶມສານອາຫານຕ່າງໆ ຂອງຮ່າງກາຍ ຈະເຮັດວຽກໄດ້ດີກວ່າໃນຊ່ວງເວລາອື່ນໆ ການດື່ມກາເຟໃນຊ່ວງນີ້ ຈຶ່ງເຮັດໃຫ້ຮ່າງກາຍດູດຊຶມຄາເຟອີນ ໄດ້ດີທີ່ສຸດ.
3. ການປັບຕົວ
ການດື່ມກາເຟທັນທີຫຼັງຕື່ນນອນ ອາດເຮັດໃຫ້ຮ່າງກາຍຕ້ອງປັບຕົວຈາກສະພາຫຼັບ ສູ່ສະພາວະຕື່ນຢ່າງກະທັນຫັນ ເຊິ່ງອາດກໍ່ໃຫ້ເກີດຄວາມຄຽດຕໍ່ຮ່າງກາຍໄດ້.
ດັ່ງນັ້ນ, ຊ່ວງເວລາທີ່ເໝາະສົມໃນການດື່ມກາເຟ ເພື່ອກະຕຸ້ນໃຫ້ຮູ້ສຶກຕື່ນຕົວໃນຕອນເຊົ້າ ຄື 1-2 ຊົ່ວໂມງຫຼັງຕື່ນນອນ, ເມື່ອລະດັບ ຄໍຕິຊອນ ຫຼຸດລົງ ແລະ ຮ່າງກາຍສາມາດດູດຊຶມຄາເຟອີນໄດ້ດີທີ່ສຸດ ຈະຊ່ວຍໃຫ້ໄດ້ຮັບປະໂຫຍດຈາກກຄາເຟອີນສູງສຸດ ໂດຍບໍ່ກໍ່ໃຫ້ເກີດຜົນຂ້າງຄຽງ.