ກ່ອນນີ້ 5.000 ປີ ໄດ້ປາກົດມີຊົນເຜົ່າຫນຶ່ງທີ່ອາໄສຢູ່ຮ່ວມກັນເປັນກຸ່ມກ້ອນ ແລະ ທໍາມາຫາກິນຢ່າງສະຫງົບສຸກ ຢູ່ທີ່ພູອັນໄຕ ຫລື ແອນໂຕ (ປະເທດມົງໂກເລຍປັດຈຸບັນ).
ແລ້ວຄົນເຜົ່ານີ້,ກໍພາກັນອົບພະຍົບລົງສູ່ທິດໃຕ້ ເພື່ອຕັ້ງຖິ່ນຖານຢູ່ດິນແດນທີ່ກວ້າງໃຫຍ່ ເລາະຕາມແມ່ນໍ້າສອງສາຍ ຄື : ແມ່ນ້ຳຮວງໂຫ ແລະ ແມ່ນຢັ້ງຈື ຫລື ແຍງຊີກຽງ.
ພາກັນຕັ້ງເມືອງຂຶ້ນເປັນ 2 ເມືອງຄື: ເມືອງລຸງ ແລະ ເມືອງປາ ຕໍ່ມາຈິ່ງຕັ້ງຂຶ້ນອີກເມືອງຫນຶ່ງຊື່ວ່າ ເມືອງຊຽງອານ.
ເຜົ່າຊົນພວກນີ້ຖືກເອີ້ນຊື່ວ່າ “ເຜົ່າດາວ” ຫລື “ ເຜົ່າລາວ ” ແລ້ວກໍ່ຖືກພວກເຈ້ກ ຫລືຈີນມາຮົບເຣວຈິ່ງແຕກອອກຈາກທັງ 3 ເມືອງລົງສູ່ໃຕ້ ແລະ ທິດຕາເວັນຕົກ ພາກັນຕັ້ງເມືອງໃຫມຂຶ້ນອີກ 3 ເມືອງ ຄື: ເມື່ອງເສສວນ ເມືອງງ້ຽວ ແລະ ເມືອງເພງາຍ ຍັງຖືກພວກຈີນມາຮົບເຣວອີກ ຈິ່ງພາກັນແຕກລົງສູ່ທາງໃຕ້ອີກ ມາຕັ້ງເມືອງປາກອ້າຍຂຶ້ນ ແລ້ວຕໍ່ມາກໍຕັ້ງເປັນອານາຈັກຫນອງແສ ຈົນຮຸ່ງ ເຮືອງ ເປັນອານາຈັກທີ່ໄດ້ສ້າງເມືອງຂຶ້ນເຖິງ 6 ເມືອງຄື: ເມືອງມົ້ງຊຸ້ຍ ເມື່ອງເອັ້ຍເຊ້ ເມືອງລ້າງກົງ ເມື່ອງເທັງຊຽງ ເມື່ອງຊີລ້າງ ແລະ ເມືອງມົ້ງເສ.
ນັບຕັ້ງແຕ່ພວກເຜົ່າຄົນລາວໄດ້ສ້າງເມືອງເພງາຍພຸ້ນມາ ພວກເຂົາ ກໍມີຜູ້ປົກຄອງຄົນລາວເພື່ອເປັນປຶກແຜ່ນ ເຊິ່ງເລີ່ມຕົ້ນທໍາອິດທ່າອໍກໍແມ່ນ ຂຸນເມັງ ຫລື ຂຸນເມືອງ ຂຶ້ນປົກຄອງລາວເມື່ອປີ ພ.ສ 320 ຕໍ່ມາ ປີ ພ.ສ 551 ( ປີ ຄ.ສ 08 ) ກໍແມ່ນຂຸນວັງເມືອງ ຕໍ່ໃສ່ຂຸນໄລລາວ ເມື່ອປີ ພ.ສ 621 (ປີ ຄ.ສ 78 ).
ອານາຈັກຫນອງແສ ຫລື ນ່ານເຈົ້າ ຫລື ຕາລີຟູ ຕັ້ງຂຶ້ນເທື່ອທໍາອິດ ຢູ່ເຢັນເປັນສຸກເຖິງ 100 ປີ ( ເຖິງປີ ພ.ສ 768 ປີ ຄ.ສ 225 ) ຢູ່ຈີນກໍເກີດເສິກສາມກົກຮົບເຮວກັບອານາຈັກຫນອງແສ ອັນມີເຈົ້າສີນຸໂລເປັນປະມຸກອານາຈັກຫນອງແສ ແລ້ວກໍເສຍເອກະລາດໃຫ້ແກ່ຈີນ.
ເຖິງປີ ພ.ສ 1.192 ( ປີ ຄ.ສ 649 ) ພຣະເຈົ້າສີຫະນະຣະປົກ ຄອງອານາຈັກຫນອງແສ ໄດ້ຟື້ນຟູ ອານາຈັກຫນອງແສຈະເຣີນຮຸ່ງເຮືອງ ຈົນພະອົງສິ້ນພະຊົນ ພະເຈົ້າໂລເສັງ ຫລື ພະເຈົ້າຫລວງແສ ( ພະຣາຊະໂອຣົດ ) ຂຶ້ນປົກຄອງແທນສືບຕໍ່ມາອີກຫລາຍຣາຊະການ ແຕ່.. ບໍ່ມີຕໍານານທີ່ໄດ້ບັນ ທຶກເອົາໄວ້ ຈົນລ່ວງເລີຍມາເຖິງ …
ທີ່ມາຂໍ້ມູນ: ພຣະເຈົ້າຟ້າງຸ່ມ ແຫຼ່ງຫຼ້າທໍລະນີ ຮີບໂຮມໂດຍ ດວງໄຊ ຫຼວງພະສີ