ສປປ ລາວ ເລີ່ມສຶກສາຄວາມເປັນໄປໄດ້ ການນຳໃຊ້ລະບົບສາກໝໍ້ໄຟ ໃຫ້ພາຫະນະ
ທີ່ນະຄອນຫລວງວຽງຈັນ, ລັດວິສາຫະກິດໄຟຟ້າລາວ ຮ່ວມກັບ ບໍລິສັດ ອີວີ (EV) ລາວ ຈຳກັດ ໄດ້ເຊັນບົດບັນທຶກຄວາມເຂົ້າໃຈ ໃນການເປີດໂຄງການສາທິດ ທົດລອງນຳໃຊ້ ສະຖານີສາກ ແລະ ລົດທີ່ຂັບເຄື່ອນດ້ວຍພະລັງງານໄຟຟ້າໃນ ສປປ ລາວ.
ເພື່ອສຶກສາຄວາມເປັນໄປໄດ້ ໃນການນຳໃຊ້ລະບົບສາກໝໍ້ໄຟ ສະໜອງໃຫ້ພາຫະນະທີ່ແລ່ນດ້ວຍລົດໄຟຟ້າ, ໂດຍການເຊັນຂອງທ່ານ ບຸນອຸ້ມ ສີວັນເພັງ ຜູ້ບໍລິຫານລັດວິສາຫະກິດໄຟຟ້າລາວ ແລະ ທ່ານ ບຸນເລີດ ຫລວງປະເສີດ ປະທານບໍລິສັດອີວີລາວ ຈຳກັດ, ມີທ່ານ ຄຳມະນີ ອິນທິລາດ ລັດຖະມົນຕີ ກະຊວງພະລັງງານ ແລະ ບໍ່ແຮ່ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມເປັນສັກຂີພິຍານ.