ພິທີຖະແຫຼງຂ່າວກ່ຽວກັບການຈັດງານວາງສະແດງ LAO TOP 3 EXPO 2019 ໄດ້ຈັດຂຶ້ນໃນວັນ ທີ 12 ມີຖຸນາ 2019 ທີ່ໂຮງແຮມຈັນທະປັນຍາ ນະຄອນຫຼວງວຽງຈັນ ໂດຍມີທ່ານ ພອນໄຊ ສຸດທິພົງ ປະທານສະມາ ຄົມສະຖາປານິກ ແລະວິສະວະກອນກໍ່ສ້າງລາວ, ທ່ານ ປະກາສິດ ຈັນທະປັນຍາ ຜູ້ອໍານວຍການໂຮງແຮມຈັນທະປັນຍາ, ທ່ານ ຣີຊາດ ຢຽວ ຕາງໜ້າບໍລິສັດ AMB TARSVS EVENT ແລະສື່ມວນຊົນເຂົ້າຮ່ວມ.
ທ່ານ ພອນໄຊ ສຸດທິພົງ ກ່າວວ່າ:
ໃນງານວາງສະແດງ LAO TOP 3 EXPO ຈະປະກອບດ້ວຍ 3 ງານຄື: ງານວາງສະແດງລະດັບສາກົນທາງດ້ານອຸດສາຫະກໍາອາຄານ ແລະການກໍ່ສ້າງ(LAOBUILD 2019), ງານວາງສະແດງລະດັບສາກົນທາງດ້ານອາຫານ ແລະເຄື່ອງດື່ມ (LAOFOOD 2019) ແລະ ງານວາງສະແດງລະດັບສາກົນກ່ຽວກັບນໍ້າ ແລະ ເຕັກໂນໂລຊີການບໍາບັດນໍ້າເສຍ(LAOWATER 2019) ໂດຍຈະມີຫຼາຍກວ່າ 200 ບໍລິສັດ ແລະ ຍີ່ຫໍ້ຈາກ 15 ປະເທດຄື: ຈີນ, ເຢຍລະມັນ, ອີຕາລີ, ຍີ່ປຸ່ນ, ເກົາຫຼີ, ມາເລເຊຍ, ສິງກະໂປ, ໄທ ແລະອາເມລິກາ.
ນອກນັ້ນຍັງປະກອບດ້ວຍ LAOENERGY (ງານວາງສະແດງລະດັບສາກົນທາງດ້ານພະລັງງານ ແລະອຸດສາຫະກໍາໄຟຟ້າ ແລະLIVAR (ງານວາງສະແດງລະດັບສາກົນກ່ຽວກັບການລະບາຍອາກາດ, ເຄື່ອງປັນອາກາດ ແລະເຄື່ອງເຮັດຄວາມເຢັນ.
ງານດັ່ງກ່າວນີ້ຄາດວ່າ ຈະເປັນເວທີທີ່ສົມບູນແບບໃນການດຶງດູດຫຼາຍພັນຄົນເຂົ້າຮ່ວມຊົມງານ ທີ່ກ່ຽວກັບການຄ້າ ແລະຊ່ຽວຊານ ເພື່ອຄົ້ນຫາໂອກາດທາງດ້ານທຸລະກິດ ແລະເບິ່ງຜະລິດຕະພັນ ແລະນະວັດຕະກໍາໃໝ່ໆ ຊຶ່ງປະ ກອບໄປດ້ວຍເຄື່ອງໃຊ້ກ່ຽວກັບອາຄານ, ອຸປະກອນການກໍ່ສ້າງ, ຜະລິດຕະພັນກ່ຽວກັບນໍ້າ ແລະການບົວລະບັດແກ້ໄຂ.
ນອກນີ້ ຍັງຜູ້ສະໜອງທາງດ້ານໂຮງແຮມ ແລະຮ້ານອາຫານ ແລະສິນຄ້າທາງດ້ານອາຫານ ແລະເຄື່ອງດື່ມຕ່າງໆ. ງານວາງສະແດງ LAO TOP 3 EXPO 2019 ຈະຈັດຂຶ້ນໃນລະຫວ່າງວັນທີ 20-22 ມີຖຸນາ 2019 ທີ່ຫໍປະຊຸມແຫ່ງຊາດ.