News

ທ່ານ ອະນຸສອນ ສິດທິລາດ ຮອງຫົວໜ້າຫ້ອງການກະສິກຳ ແລະ ປ່າໄມ້ ເມືອງປາກຊ່ອງ ແຂວງ ຈຳປາສັກ ໄດ້ໃຫ້ຮູ້ວ່າ: ໃນໄລຍະເວລາ 8 ເດືອນ ໃນປີ 2022 ການລ້ຽງສັດ ແລະ ປາເປັນສິນຄ້າ ຢູ່ເມືອງປາກຊ່ອງ ມີການຂະຫຍາຍຕົວຂຶ້ນຫຼາຍ ການລ້ຽງແບບຄອບຄົວກໍກ້າວໄປສູ່ການລ້ຽງແບບເປັນຟາມ ດ້ວຍການນຳໃຊ້ເຕັກນິກໃໝ່ ແລະ ສາຍພັນປັບປຸງ, ໄດ້ຮັບການສົ່ງເສີມ ດ້ານວິຊາການນຳພາຢ່າງຕໍ່ເນື່ອງຈາກລັດຖະບານ ແລະ ບວກກັບປະຊາຊົນ ຜູ້ປະກອບການມີຄວາມຫ້າວຫັນດຸໝັ່ນ.

ບໍລິສັດ ສະຫວັນ ບໍລິການຈັດຫາງານ ຈຳກັດ ໄດ້ສົ່ງເງິນຄືນໃຫ້ກັບຜູ້ທີ່ໄດ້ລົງທະບຽນມັດຈຳໄວ້ ເພື່ອທີ່ຈະໄປເຮັດວຽກຕາມລະດູການຂະແໜງກະສິກຳ ຢູ່ ສ.ເກົາຫຼີ ໃນວັນທີ 22-30 ກັນຍາ 2022 ຍ້ອນສາເຫດທີ່ບັນຫາການໂຕນໜີ ຂອງແຮງງານ ຢູ່ ສ.ເກົາຫລີ ຈຶ່ງໄດ້ໂຈະການຈັດສົ່ງແຮງງານໄປເຮັດວຽກລະດູການ, ພ້ອມນີ້ກໍເນື່ອງຈາກໝົດລະດູການທຳການຜະລິດກະສິກຳ ເລີຍໄດ້ເລື່ອນການຈັດສົ່ງແຮງງານໄປເຮັດວຽກຕາມລະດູການອອກໄປ ເຮັດໃຫ້ຫຼາຍຄົນທີ່ບໍ່ໄດ້ໄປເຮັດວຽກ ມາເອົາເງຶນມັດຈຳຄືນ.

ທ່ານນາງ ດຣ ໂຣຢິງຣູ ແຈັກກະຣິນ ໄດເເຂົ້າຮັບຕໍາແໜ່ງຜູ້ຕາງຫນ້າອົງການອະນະໄມໂລກ ປະຈຳລາວຄົນໃຫມ່ ໃນໂອກາດທີ່ທ່ານມາຮັບຫນ້າທີ່ໃຫມ່ເປັນຜູ້ຕາງຫນ້າອົງການອະນະໄມໂລກຄົນໃຫມ່ ເພື່ອປະຕິບັດຫນ້າທີ່ເປັນປະທານຮ່ວມຂອງຄະນະກຳມະທິການດັ່ງກ່າວ ເຊິ່ງໄດ້ຮັບການຕ້ອນຮັບຈາກທ່ານ ຮສ ດຣ ພູທອນເມືອງປາກ ປະທານອົງການກາແດງແຫ່ງຊາດລາວ ໃນຖານະທີ່ເປັນປະທານຄະນະກຳມະທິການປະສານງານຂອງປະເທດລາວສຳລັບທຶນຊ່ວຍເຫລືອລ້າຈາກກອງທຶນໂລກ.

ຕາມການລາຍງານສະພາບຜົນກະທົບຈາກໄພພິບັດທາງທຳມະຊາດ ຂອງຄະນະກຳມະການຄຸ້ມຄອງໄພພິບັດ ຂັ້ນແຂວງ ວັນທີ 27-29 ກັນຍາ 2022 ໃນທົ່ວແຂວງເຊກອງ ເປັນແຂວງໜຶ່ງທີ ່ໄດ້ຮັບຜົນກະທົບຈາກໄພພິບັດທາງທຳມະຊາດ ເນື່ອງຈາກໄດ້ມີລົມພາຍຸເຂດຮ້ອນ ໂນຣຸ (Noru) ຫົວທີ 16 ເຂົ້າພັດຜ່ານ ແຂວງເຊກອງ ແລະ ໄດ້ສົ່ງຜົນກະທົບ ໂດຍກົງຕໍ່ປະຊາຊົນ ພາຍໃນແຂວງ.

ເຈົ້າໜ້າທີ່ ປກສ ແຂວງບໍ່ແກ້ວ ໄດ້ໃຫ້ຮູ້ວ່າ ໃນວັນທີ 23 ກັນຍາ 2022 ທີ່ຜ່ານມາ ສາມາດມ້າງຄະດີຢາເສບຕິດລາຍໃຫຍ່ໄດ້ ແລະ ສາມາດຈັບຜູ້ຖືກຫາ ໄດ້ 3 ຄົນ ລວມມີຂອງກາງ ຢາບ້າ 33.500.000 ເມັດ, ຢາໄອສ໌ 500 ກິໂລກຼາມ, ເຄຕາມິນ 1 ກິໂລກຼາມ ແລະ ເຄື່ອງຂອງກາງອີກຈຳນວນໜຶ່ງ ໄປດຳເນີນຄະດີ.

ທ່ານ. ວິທະຍາ ພົມມະຈັນ ຫົວຫນ້າພະແນກ ພະລັງງານ ແລະ ບໍ່ແຮ່ ແຂວງ ອັດຕະປື ໄດ້ລາຍງານສະພາບການກັກເກັບນໍ້າ ແລະ ການລະບາຍນໍ້າຈາກເຂື່ອນຢູ່ພາຍໃນແຂວງ ອັດຕະປື ທີ່ກໍາລັງຮັບຜົນກະທົບຈາກການພັດຜ່ານຂອງພະຍຸໄຕ້ຝຸ່ນ ໂນຣູ ເຊິ່ງເຮັດໃຫ້ມີຝົກຕົກຫນັກ,ລົມພັດແຮງ ແລະ ນໍ້າໄຫລຊຸ ສ້າງຄວາມເສຍຫາຍພໍສົມຄວນ.

ທ່ານ ໂຈມ​ແຍງ ແພງ​ທອງ​ສະ​ຫວັດ ຫົວ​ໜ້າ​ຫ້ອງ​ການ ຄະ​ນະ​ກຳ​ມະ​ການ​ຄຸ້ມ​ຄອງ​ແຫ່ງ​ຊາດ ເພື່ອ​ການ​ແກ້​ໄຂ​ບັນ​ຫາ​ລະ​ເບີດບໍ່​ທັນ​ແຕກ ທີ່​ຕົກ​ຄ້າງ​ຢູ່ ສ​ປ​ປ ລາວ ໄດ້ໃຫ້ຮູ້ວ່າ ໄລຍະເວລາ 26 ປີຜ່ານມາ ສາມາດກູ້ລະເບີດຈາກສົງຄາມໄດ້ແຕ່ 1% ເທົ່ານັ້ນ ຍັງເຫຼືອອີກ 99% ຖ້າ​ທຽບ​ໃສ່​ພື້ນ​ທີ່ໆໄດ້​ຮັບ​ຜົນ​ກະ​ທົບ ເຊິ່ງຈາກການວິເຄາະແມ່ນ ເປັນ 87 ພັນ​ກິ​ໂລ​ຕາ​ແມັດ ແລະ ພວກ​ເຮົາໄດ້​​ສະ​ເລ່ຍ​ໃສ່​ຈຳ​ນວນ​ປີ ​ຍັງ​ອີກ 1.860 ປີ ຈຶ່ງ​ສາ​ມາດ​ບັນ​ລຸ​ການ​ສຳ​ຫຼວດກວດ​ກູ້ລະ​ເບີດບໍ່​ທັນ​ແຕກ ທີ່​ຕົກ​ຄ້າງ​ຢູ່ ສ​ປ​ປ ລາວ ໄດ້​ທັງ​ໝົດ.

ກົມນະໂຍບາຍ ແລະ ແຜນພະລັງງານ, ກະຊວງພະລັງງານ ແລະ ບໍ່ແຮ່ ໄດ້ໃຫ້ຮູ້ວ່າ: ໃນວັນທີ 28 ກັນຍາ 2022 ທາງເຂື່ອນ ໄຟຟ້າເຊລະນອງ 1 ມີແຜນຈະເປີດປະຕູນານອງ ເພື່ອລະບາຍນໍ້າ ອອກຈາກ ອ່າງເກັບນໍ້າຂອງເຂື່ອນ.