News

ສະຫະພັນອີສປອດ ແຫ່ງຊາດລາວ ກຳລັງຈັດການແຂ່ງຂັນ ROAD TO SEA GAMES 2022 ເພື່ອເຟັ້ນຫາໂຕນັກກິລາ ຕົວແທນທີມຊາດລາວ ໄປເຂົ້າຮ່ວມການແຂ່ງຂັນໃນງານມະຫະກຳກິລາຊີເກມຄັ້ງທີ່ 31 ທີ່ HANOI VIETNAM ເຊິ່ງຈະມີເກມກິລາຢູ່ 4 ປະເພດຫຼັກໆ

ທ່ານ ຮສ. ດ.ຣ ສິງ ເມໂນລາດ ຮອງປະທານອົງການກາແດງແຫ່ງຊາດລາວ ພ້ອມດ້ວຍຄະນະ ໄດ້ລົງມອບເຄື່ອງຮັກສາສຸຂະອະນາໄມ ເພື່ອຕ້ານພະຍາດໂຄວິດ 19 ໃຫ້ແກ່ນ້ອງນັກຮຽນ ຢູ່ໂຮງຮຽນມັດທະຍົມສຶກສານໍ້າໂມ້ ເມືອງອະນຸວົງ ແຂວງໄຊສົມບູນ

ພະແນກສາທາລະນາສຸກແຂວງຫຼວງນໍ້າທາ ໄດ້ລົງສໍາຫຼວດເຂດພື້ນທີ່ຈະສ້າງສວນອະນຸລັກຊີວະນາໆພັນ ທີ່ເປັນຢາ ຢູ່ເຂດກິ່ວລົມເມືອງຫຼວງນໍ້າທາ ເມື່ອບໍ່ດົນມານີ້.

ວັນທີ 23 ມີນາ 2022 ຢູ່ ນະຄອນຫຼວງ ວຽງຈັນ ໄດ້ມີພິທີເປີດການທົດລອງນຳໃຊ້ລົດເມໄຟຟ້າເພື່ອການຂົນສົ່ງສາທາລະນະ ເຊິ່ງຈຸດປະສົງກໍເພື່ອສ້າງຄວາມເຂັ້ມແຂງໃຫ້ແກ່ການຂົນສົ່ງສາທາລະນະໃນຕົວເມືອງໃຫ້ບັນລຸເປົ້າໝາຍຂອງການພັດທະນາແບບຍືນຍົງຮອດປີ 2030, ພ້ອມກັນນີ້ກໍເປັນການຈັດຕັ້ງປະຕິບັດການຂົນສົ່ງສີຂຽວ, ຍືນຍົງ, ເປັນມິດຕໍ່ສິ່ງແວດລ້ອມ, ງຽບ ແລະ ທັນສະໄໝ ແລະ ເພື່ອເຮັດໃຫ້ຕົວເມືອງ ນະຄອນຫຼວງ ວຽງຈັນ ກາຍເປັນຕົວເມືອງໜ້າຢູ່.

ທ່ານ ຄຳຜອຍ ວັນນະສານ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຜົ້ງສາລີ ພ້ອມດ້ວຍການນຳຂັ້ນແຂວງ, ຂັ້ນເມືອງໄດ້ລົງຊຸກຍູ້ວຽກງານການຜະລິດຫັດຖະກຳແຜ່ນແພຢູ່ບ້ານລ້ອງນາຍເກົ່າ ເມືອງບຸນໃຕ້ ພ້ອມນັ້ນປະຊາຊົນກໍ່ໄດ້ຮັບການຕ້ອນຮັບຢ່າງອົບອຸ່ນ

ເພື່ອເປັນການຊຸກຍູ້, ສົ່ງເສີມ ການປູກກະລໍ່າປີ ທີ່ມີຄຸນນະພາບ ແລະ ເພື່ອສ້າງລາຍຮັບໃຫ້ປະຊາຊົນນັບມື້ຫຼາຍຂຶ້ນ; ອົງການປົກຄອງ ເມືອງ ວັງວຽງ, ແຂວງ ວຽງຈັນ ຮ່ວມກັບ ກົມປູກຝັງ, ກະຊວງກະສິກໍາ ແລະ ປ່າໄມ້ ໂດຍໄດ້ຮັບການສະໜັບສະໜູນຈາກ ໂຄງການສ້າງຄວາມເຊື່ອມໂຍງ ເພື່ອຂະຫຍາຍເຄືອຂ່າຍກະສິກຳ ຫຼື CLEAN Project ຈັດງານບຸນກະລໍ່າປີ ພາຍໃນເທດສະບານ ເມືອງ ວັງວຽງ ໃນລະຫວ່າງ ວັນທີ 26-27 ມີນາ 2022 ເຊີ່ງຖືເປັນຄັ້ງທໍາອິດ ທີ່ຈະຈັດບຸນກະລໍ່າປີທີ່ໃຫຍ່ແບບນີ້ຢູ່ ສປປ ລາວ.

ານໄປຢ້ຽມຢາມເບິ່ງສ່ວນໜາກເຜັດຂອງທ່ານ ສີຫອມ ປະຊາຊົນບ້ານຊອກ ເຊີ່ງເປັນຄອບຄົວຕົວແບບໃນການປູກໜາກເຜັດຂາຍ ແລະ ຍັງໄດ້ໄປຢ້ຽມຢາມເບິ່ງຟາມ ລ້ຽງໄກ່ພັນໄຂ່ ຂອງທ່ານ ສີທາ ສິງສຸວົງ ຢູ່ທີ່ບ້ານຊອກ.

ສະຫະພັນບານເຕະແຫ່ງຊາດລາວ (ສຕລ) ຈະຈັດການແຂ່ງຂັນບານເຕະ ນັດອຸ່ນເຄື່ອງ 2 ນັດ ລະຫວ່າງທີມຊາດລາວ ຊຸດໃຫຍ່ ກັບທີມຊາດມົງໂກລີ ແລະ ບຣູໄນ, ເພື່ອກຽມເຂົ້າຮ່ວມການແຂ່ງຂັນບານເຕະ ໃນງານມະຫະກຳກິລາ ຊີເກມ ຄັ້ງທີ 31 ໃນລະຫວ່າງ ວັນທີ 12-23 ພຶດສະພາ 2022 ທີ່ ສສ ຫວຽດນາມ.