Wednesday, July 17, 2024
Lenovo

ເຈົ້າແຂວງໆຜົ້ງສາລີ ລົງຊຸກຍູ້ວຽກງານການຜະລິດຫັດຖະກຳແຜ່ນແພ

ທ່ານ ຄຳຜອຍ ວັນນະສານ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຜົ້ງສາລີ ພ້ອມດ້ວຍການນຳຂັ້ນແຂວງ, ຂັ້ນເມືອງໄດ້ລົງຊຸກຍູ້ວຽກງານການຜະລິດຫັດຖະກຳແຜ່ນແພຢູ່ບ້ານລ້ອງນາຍເກົ່າ ເມືອງບຸນໃຕ້ ພ້ອມນັ້ນປະຊາຊົນກໍ່ໄດ້ຮັບການຕ້ອນຮັບຢ່າງອົບອຸ່ນ

ທ່ານ ຈັນໜັ້ນ ອ່ອນສາ ນາຍບ້ານໆລ້ອງນາຍເກົ່າ ໄດ້ລາຍງານສະພາບການຈັດຕັ້ງປະຕິບັດວຽກງານຂອງບ້ານໃນໄລຍະທີ່ຜ່ານມາວ່າ: ບ້ານລ້ອງນາຍເກົ່າ ຫ່າງຈາກຕົວເມືອງ 26 ກິໂລແມັດ ເປັນ ຊົນເຜົ່າຢັ້ງ ກວມເອົາ 95%, ພາຍໃນບ້ານ ມີ 224 ຄອບຄົວ, ເຊິ່ງສ່ວນໃຫຍ່ແມ່ນ ແຮງງານໃນພາກກະສິກຳ ກວມເຖິງ 97,1 %, ອຸດສາຫະກໍາ ກວມເອົາ 0,93% ແລະ ການບໍລິການ ກວມເອົາ 1,97%

ບ້ານລ້ອງນາຍເກົ່າ ເປັນບ້ານຜະລິດປຸງເຕ່ງສິນຄ້າໂອດອບຂອງເມືອງ ເຊັ່ນ: ການຜະລິດຫັດຖະກໍາ ແຜ່ນແພຝ້າຍທຳມະຊາດເປັນສິນຄ້າ, ດ້ານການພັດທະນາເສດຖະກິດຂອງບ້ານໄດ້ຂະຫຍາຍຕົວຢ່າງຕໍ່ເນື່ອງ ເຊິ່ງລວມມູນຄ່າຜະລິດພາຍໃນບ້ານ ສາມາດບັນລຸເຖິງ 5 ຕື້ກ່ວາກີບຕໍ່ປີ, ອັດຕາຂະຫຍາຍຕົວ 12,39 % ຕໍ່ປີ

ທ່ານເຈົ້າແຂວງ ຍັງໄດ້ໜັກແໜ້ນໃຫ້ບໍລິສັດຈົ່ງສືບຕໍ່ຈັດຕັ້ງປະຕິບັດບັດດາກິດຈະການຕ່າງໆທີ່ທາງບໍລິສັດໄດ້ລົງທືນນັ້ນໄດ້ໄປຕາມແຜນ, ສືບຕໍ່ເກັບກຳຂໍ້ມູນປະຊາຊົນເຂດບ້ານດັ່ງກ່າວເພື່ອຊຸກຍູ້ໃຫ້ເຂົາເຈົ້າມີວຽກເຮັດງານທຳ, ແນ່ໃສ່ເຮັດໃຫ້ປະຊາຊົນມີອາຊີບໝັ້ນຄົງຖາວອນ ແລະ ຫຼູດຜ່ອນອອກຈາກຄວາມທຸກຍາກເທື່ອລະກ້າວ, ທັງເປັນການປະກອບສ່ວນພັດທະນາເສດຖະກິດ – ສັງຄົມຂອງເມືອງໃຫ້ມີການຂະຫຍາຍຕົວຢ່າງຕໍ່ເນື່ອງ.

( ພາບ – ຂ່າວ: ແສງຄຳ ສາລີວັນ )

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.