ປະຈຳວັນທີ 16 ມີນາ 2022 | ສຳນັກຂ່າວມີເດຍລາວ ໄດ້ໃຫ້ຮູ້ວ່າ:
ຮອງປະທານອົງການກາແດງແຫ່ງຊາດລາວ ໄດ້ລົງມອບເຄື່ອງຕ້ານໂຄວິດໃຫ້ແກ່ນັກຮຽນ
ທ່ານ ຮສ. ດ.ຣ ສິງ ເມໂນລາດ ຮອງປະທານອົງການກາແດງແຫ່ງຊາດລາວ ພ້ອມດ້ວຍຄະນະ ໄດ້ລົງມອບເຄື່ອງຮັກສາສຸຂະອະນາໄມ ເພື່ອຕ້ານພະຍາດໂຄວິດ 19 ໃຫ້ແກ່ນ້ອງນັກຮຽນ ຢູ່ໂຮງຮຽນມັດທະຍົມສຶກສານໍ້າໂມ້ ເມືອງອະນຸວົງ ແຂວງໄຊສົມບູນ
ເຄື່ອງທີ່ນໍາມາມອບໃນຄັ້ງນີ້ ແມ່ນໄດ້ຮັບການສະໜັບສະໜູນຈາກອົງການກາແດງປະເທດເກົາຫຼີ ຊຶ່ງປະກອບມີ: ຜ້າປິດປາກ, ເຈວ ແລະ ສະບູລ້າງມື, ຜ້າເຢັນຂ້າເຊື້ອ ແລະ ສາຍກໍ້ຜ້າປິດປາກ ໂດຍມີທັງໝົດ ຈໍານວນ 500 ຊຸດ ລວມມູນຄ່າ ຈໍານວນ 73 ລ້ານກີບ…ອ່ານຕໍ່
ເປີດການນຳໃຊ້ໂຄງການກໍ່ສ້າງລະບົບນໍ້າປະປາ ກຸ່ມບ້ານເມືອງຂາຍ ນະຄອນຫຼວງພະບາງ
ໂຄງການກໍ່ສ້າງລະບົບນໍ້າປະປາ ກຸ່ມບ້ານເມືອງຂາຍ ນະຄອນຫຼວງພະບາງ ແລະກຸ່ມບ້ານຫາດຮວາຍ-ປາກເກງ ເມືອງປາກແຊງ ແຂວງຫຼວງພະບາງ ແມ່ນໂຄງການຮ່ວມມືລະຫວ່າງ ພາກລັດ ແລະເອກະຊົນ ໂດຍແມ່ນການໃຫ້ທຶນຊ່ວຍເຫຼືອລ້າຈາກມູນນິທິ ອີດມິດເວດລາວ ຮ່ວມກັບບໍລິສັດເອກະຊົນ ເຊິ່ງປັດຈຸບັນແມ່ນໄດ້ສຳເລັດແລ້ວ 100%
ໂຄງການດັ່ງກ່າວມີພື້ນທີ່ ບໍລິການນໍ້າປະປາ 7 ບ້ານ ເຊັ່ນ: ບ້ານໂພນສະອາດ, ຖິ່ນຊົມ, ຖິ່ນແກ້ວ, ເມືອງຂາຍ, ອູ້, ປາກຊີ ແລະບ້ານຄົກມັນ. ຈໍານວນ 786 ຄອບຄົວ, ປະຊາກອນ 4.255 ຄົນ…ອ່ານຕໍ່
ຮອງເຈົ້າເມືອງໆທ່າໂທມ ລົງຊຸກຍູ້ປະຊາຊົນລ້ຽງສັດໃຫຍ່ ແລະ ປູກພືດລະດູແລ້ງ
ຢູ່ທີ່ກູ່ມບ້ານທ່າວຽງໄຊ ເມືອງທ່າໂທມ ແຂວງໄຊສົມບູນ ໄດ້ມີກອງປະຊູມຊຸກຍູ້ພໍ່ແມ່ປະຊາຊົນປູກພືດລະດູແລ້ງ ແລະ ລ້ຽງງົວຈາກບໍລິສັດກູ່ມຄໍາໄພຊະນະ ພັດທະນາກະສິກຳ ແລະ ປ່າໄມ້ຄົບວົງຈອນຂື້ນ ໂດຍການເຂົ້າຮ່ວມເປັນປະທານຂອງ ທ່ານສຸກສະເຫຼີມ ສົມມະນີ ຮອງເຈົ້າເມືອງ ຜູ້ຊີ້ນຳວຽກງານເສດຖະກິດ
ນອກນັ້ນຍັງໄດ້ຕິດຕາມການລ້ຽງງົວຂອງບໍລິສັດກູ່ມຄຳໄພຊະນະພັດທະນາກະສິກຳ ແລະ ປ່າໄມ້ ຄົບວົງຈອນໃນຈຳນວນ 4 ບ້ານຄື: ບ້ານນາຊົງ, ບ້ານທ່າວຽງໄຊ, ບ້ານວຽງທອງ ແລະ ບ້ານຫາດສາມຄອນ ມີງົວແມ່ພັນທັງໝົດ 376 ໂຕ, ມີລູກເກີດໃໝ່ຈຳນວນ 223 ໂຕ, ພ້ອມນັ້ນຍັງໄດ້ເຮັດສຳເລັດວຽກງານອື່ນໆອີກຫຼາຍດ້ານ…ອ່ານຕໍ່
ປະກາດ ບ້ານກາງ ແລະ ບ້ານໂພນສີ ເມືອງນານ ເປັນບ້ານວັດທະນະທໍາໃໝ່
ບ້ານກາງ ແລະ ບ້ານໂພນສີ ແມ່ນຂຶ້ນກັບກຸ່ມພັດທະນາເນີນສະຫວ່າງ ມີທີ່ຕັ້ງຫ່າງຈາກຕົວເມືອງປະມານ 39 ກິໂລແມັດ, ມີຄອບຄົວທັງໝົດ 164 ຄອບຄົວ, ມີພົນລະເມືອງ 829 ຄົນ, ຍິງ 404 ຄົນ ທັງ 2 ບ້ານເປັນບ້ານເຜົ່າກື່ມມຸ ຍຶດຖືອາຊີບທໍາການຜະລິດ, ປູກຝັງ ແລະ ລ້ຽງສັດເປັນຕົ້ນຕໍ ຜ່ານການລົງເກັບກໍາຂໍ້ມູນຕາມມາດຖານ, ເງື່ອນໄຂຂອງການສ້າງບ້ານ ແລະ ຄອບຄົວວັດທະນະທໍາ ມີຄອບຄົວທີ່ປະເມີນໄດ້ຄົບຖ້ວນຕາມ 5 ມາດຖານທັງໝົດ 156 ຄອບຄົວ.
ຈາກນັ້ນພິທີກໍ່ໄດ້ຜ່ານຂໍ້ຕົກລົງຂອງທ່ານເຈົ້າແຂວງຫຼວງພະບາງ ເລກທີ 283/ຈຂ.ຫຼບ ວ່າດ້ວຍການຕົກລົງຢັ້ງຢືນເອົາບ້ານວັດທະນະທໍາ ຈໍານວນ 2 ບ້ານ ຂອງເມືອງນານ, ແຂວງຫຼວງພະບາງ ເປັນບ້ານວັດທະນະທໍາໃໝ່ ແລະ ຜ່ານຂໍ້ຕົກລົງຂອງທ່ານເຈົ້າເມືອງ-ເມືອງນານ ເລກທີ 180/ຈມ.ມນ ວ່າດ້ວຍການອານຸມັດຮັບຮອງເອົາຄອບຄົວວັດທະນະທໍາບ້ານ ກາງ ແລະ ບ້ານໂພນສີ ເປັນຄອບຄົວວັດທະນະທໍາໃໝ່…ອ່ານຕໍ່
Hits: 14
