Saturday, July 20, 2024
Lenovo

ຫ້ອງຮຽນສອງພາສາ ມສ ວຽງຈັນ ໄດ້ຮັບໃບຢັ້ງຢືນມາດຕະຖານການສຶກສາ

ພິ­ທີ​ມອບ​ໃບ­ຢັ້ງ­ຢືນ​ມາດ­ຕະ­ຖານ​ການ​ສຶກ​ສາ​ຂອງ​ກະ­ຊວງ​ເອີ​ຣົບ ແລະ ຕ່າງ­ປະ­ເທດ​ຝຣັ່ງ ຈັດ​ຂຶ້ນ​ໃນ​ມື້​ວານນີ້ ທີ່​ໂຮງ­ຮຽນ​ມັດ­ທະ­ຍົມ​ສົມ­ບູນ​ວຽງ​ຈັນ (ມສ ວຽງ​ຈັນ) ເປັນ​ກຽດ​ເຂົ້າ​ຮ່ວມ​ຂອງ​ທ່ານ ກອງ​ສີ ແສງ​ມະ­ນີ ຮອງ​ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ ທ່ານ​ນາງ ເບ​ເນ​ດິກ ເດ​ຊັງ ທູດ​ວັດ­ທະ­ນະ­ທຳ ປະ­ຈຳ​ສະ­ຖານ­ທູດ​ຝຣັ່ງ ແລະ ຜູ້­ອຳ­ນວຍ­ການ​ສູນ​ພາ­ສາ​ຝຣັ່ງ ມີ​ຂະ­ແໜງ­ການ​ກ່ຽວ­ຂ້ອງ ແລະ ນັກ­ຮຽນ​ເຂົ້າ​ຮ່ວມ.

    ຫ້ອງ​ຮຽນ​ສອງ​ພາ­ສາ ລາວຝຣັ່ງ ທີ່​ໂຮງ­ຮຽນ ມສ ວຽງ​ຈັນ ເປັນ​ຫ້ອງ​ຮຽນ​ທີ່​ໄດ້​ຮັບ​ການ​ຊ່ວຍ­ເຫຼືອ​ຈາກ​ລັດ­ຖະ­ບານ​ຝຣັ່ງ ໃນ​ປີ 1995 ຕະ­ຫຼອດ​ໄລ­ຍະ 23 ປີ­ຜ່ານ­ມາ ໄດ້​ສ້າງ​ບຸ​ຄະ­ລາ​ກອນ​ທີ່​ມີ​ຄວາມ​ຮູ້ ຄວາມ​ສາ­ມາດ​ອອກ​ຮັບ​ໃຊ້​ສັງ­ຄົມ​ທັງ​ພາຍ​ໃນ ແລະ ຕ່າງ­ປະ­ເທດ​ເປັນ​ຈຳ­ນວນ​ຫຼວງ­ຫຼາຍ ພ້ອມ​ນີ້ ຄູອາ­ຈານ​ກໍ່​ໄດ້​ຮັບ​ການ​ຍົກ​ລະ­ດັບ​ຈາກ​ຕ່າງ­ປະ­ເທດ ໂດຍ​ສະ­ເພາະ ແມ່ນ​ປະ­ເທດ​ຝຣັ່ງ ເປັນ​ກ້າວໆ​ມາ.

    ໃນ​ປີ 2015 ກະ­ຊວງ​ເອີ​ຣົບ ແລະ ຕ່າງ­ປະ­ເທດ​ຝຣັ່ງ​ໄດ້​ມີ​ການ​ປະ​ເມີນ​ການ​ຮຽນການ​ສອນ​ວ່າ​ເປັນ​ໂຮງ­ຮຽນ​ທີ່​ຍັງ​ສືບ­ຕໍ່​ສິດ­ສອນ ແລະ ມີ​ຄຸ­ນະ­ພາບ​ດ້ານ​ການ​ຮຽນການ​ສອນ ຈາກ​ນັ້ນ ກໍ່​ໄດ້​ມອບ​ໃບ­ຢັ້ງ­ຢືນ​ເປັນ​ຄັ້ງ​ທຳ​ອິດ ແລະ ປີ 2018 ກໍ່​ໄດ້​ປະ​ເມີນ​ເປັນ​ຄັ້ງ​ທີ 2 ເຫັນ​ວ່າ​ຍັງ​ສືບ­ຕໍ່​ການ​ຮຽນການ​ສອນ​ຢ່າງ​ມີ​ຄຸ­ນະ­ພາບ ຈຶ່ງ​ໄດ້​ມອບ​ໃບ­ຢັ້ງ­ຢືນ​ໃຫ້​ແກ່​ໂຮງ­ຮຽນ​ດັ່ງ­ກ່າວ ເຊິ່ງ 3 ປີ​ຈະ​ມີ​ການ​ປະ​ເມີນ​ຄັ້ງ​ໜຶ່ງ ທັງ​ນີ້ ກໍ່​ເພື່ອ​ເປັນ​ການ​ຊຸກ­ຍູ້ ສົ່ງ­ເສີມ ໃຫ້​ຄູອາ­ຈານ ນັກ­ຮຽນ​ເອົາ­ໃຈ­ໃສ່​ຄົ້ນ­ຄວ້າ​ຮ່ຳ­ຮຽນ​ໃຫ້​ມີ​ປະ­ສິດ­ທິ­ພາບ ທຽບ​ເທົ່າ​ກັບ​ພາກ​ພື້ນ ແລະ ສາ­ກົນ.

ທີ່​ມາ: ວຽງ​ຈັນ​ໃໝ່

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.