ຢູ່ທີ່ຫ້ອງຝຶກອົບຮົມຂອງ ສູນເທັກໂນໂລຊີຂໍ້ມູນຂ່າວສານ, ມຊ ໄດ້ມີກອງປະຊຸມສະຫຼຸບ ແລະ ຖອດຖອນບົດຮຽນການປະຕິບັດໂຄງການ ACU ປີ 2018.
ຈຸດປະສົງກໍເພື່ອສະຫຼຸບ, ຖອດຖອນບົດຮຽນ ແລະ ແລກປ່ຽນຄຳຄິດເຫັນກັບທີມງານທຸກ ຄົນພາຍຫຼັງການປະຕິບັດໂຄງການ ACU ປີ 2018.
ໂດຍການເຂົ້່າຮ່ວມຂອງ Mr. Inkwang LEE, Mr Jane Lee ທີມງານຈາກ Wonkwang Digital University, ທ່ານ ປອ ພອນແກ້ວ ຈັນທະມາລີ ຫົວໜ້າສູນເທັກໂນໂລຊີຂໍ້ມູນຂ່າວສານ, ທ່ານ ຄຳພັນ ສິດທະວົງ ຮອງຫົວໜ້າສູນເທັກໂນ ໂລຊີຂໍ້ມູນຂ່າວສານ ພ້ອມທັງເປັນ Project Manager ຂອງໂຄງການ ແລະ ທີມງານພັດທະນາທຸກຄົນ.
ຜ່ານການປະຕິບັດໂຄງການ ກໍຄືການພັດທະນາບົດຮຽນໃນຮູບແບບ E-Learning ຈຳນວນ 05 ວິຊາ ເຊີ່ງເລີ່ມແຕ່ດືອນ ມີນາ 2018 ມາຮອດປັດຈຸບັນເຫັນວ່າສຳເລັດສົມບູນ 100% ດັ່ງນັ້ນໃນກອງປະຊຸມຈີ່ງໄດ້ມີການສະຫຼຸບຜົນການປະຕິບັດໂຄງການ, ຖອດຖອນ ບົດຮຽນ ພ້ອມທັງແລກປ່ຽນຄຳຄິດເຫັນຕ່າງໆຕໍ່ກັບການພັດທະນາເຊັ່ນ: ການປະສານງານຂອງແຕ່ລະທີມ, ເທັັກນິກຕ່າງໆທີ່ນຳມາໃຊ້ໃນການພັດທະນາ ເພື່ອທີ່ຈະເປັນແນວ ທາງໃນການພັດທະນາ ແລະ ປະຕິບັດໂຄງການໃນປີ 2019 ນີ້.
ທີ່ມາ: http://itc.nuol.edu.la
Hits: 46
