ພິທີເປີດງານບຸນມະໂຫລານສົ່ງເສີ່ມການອ່ານຂອງນະຄອນຫຼວງວຽງຈັນ ຄັ້ງທີ 1 ໄດ້ຈັດຂຶ້ນໃນລະຫວ່າງວັນທີ 717 ມີນານີ້ ທີ່ສູນການຄ້າສາກົນເວີລເທຣດເຊັນເຕີ ຖະ ໜົນຄູວຽງ (ລວມ 11 ວັນ) ຊຶ່ງເລີ່ມເປີດບໍລິການແຕ່ເວລາ 9:00 ໂມງ ຫາ 21:00 ໂມງ, ໂດຍການເຂົ້າຮ່ວມເປີດງານຂອງທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ, ທ່ານ ບົວລານ ສິລິປັນຍາ ຮອງລັດຖະມົນຕີກະຊວງສຶກສາທິການ ແລະ ກິລາ, ບັນດາທ່ານທູ ຕານຸທູດ, ແຂກທີ່ຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນໂອກາດນີ້ ທ່ານ ສີຫຸນ ສິດທິລືໄຊ ໄດ້ກ່າວເປີດງານວ່າ: ການຈັດງານບຸນມະໂຫລານສົ່ງເສີມການອ່ານຂອງນະ ຄອນຫຼວງວຽງຈັນ ຄັ້ງທີ 1 ເປັນ ຄັ້ງປະຫວັດສາດຂອງນະຄອນຫຼວງວຽງຈັນ ຊຶ່ງໄດ້ຈັດຂຶ້ນໃນຈຸດເວລາທີ່ທົ່ວໂລກ ພ້ອມກັນ ສະເຫຼີມສະຫຼອງວັນອ່ານປຶ້ມໂລກ ທັງເປັນການສ້າງຂະບວນການຕ້ອນຮັບວັນແມ່ຍິງສາ ກົນ 8 ມີນາ 2019 ງານບຸນ ມະໂຫລານສົ່ງເສີມການອ່ານໄດ້ມີບັນດາກິດຈະກຳດັ່ງລຸ່ມນີ້:
ກິດຈະກຳມອບປຶ້ມອ່ານໃຫ້ແກ່ໂຮງຮຽນຢູ່ບັນດາພາຍໃນ 9 ເມືອງ ແລະ ມອບປຶ້ມໃຫ້ຜູ້ຊະນະ ໃນການແຂ່ງຂັນ; ກິດຈະກຳການສຶກສາ ຖາມຕອບ ກ່ຽວກັບອາຊຽນ, ກິດຈະກຳຮ້ອງໄດ້ໄດ້ລ້ານ, ເວົ້າໄດ້ໄດ້ລ້ານ, ອ່ານໄດ້ໄດ້ລ້ານ, ຂຽນໄດ້ໄດ້ລ້ານ, ພິມໄດ້ໄດ້ລ້ານ, ແຕ້ມໄດ້ໄດ້ລ້ານ, ຕອບໄດ້ໄດ້ລ້ານ, ທວາຍໄດ້ໄດ້ລ້ານ; ກິດຈະກຳ ແຂ່ງຂັນກິລາ ປະເພດຕ່າງໆ; ກິດຈະກຳປາຖະກະຖາ; ມີສະມາຄົມນັກປະພັນ, ໂຮງຮຽນເອກະຊົນ, ອົງການຕ່າງປະເທດ, ສະ ມາຄົມການຄ້າເອີຮົບ; ກິດຈະກຳການສະແດງສິລະປະຂອງນັກຮຽນກ່ຽວກັບບັນດາປະເທດອາຊຽນ ແລະ ປະເທດອື່ນໆ ພ້ອມທັງມີການສະແດງດົນຕີຈາກສິລະປິນຮັບເຊີນອີກດ້ວຍ .
ທີ່ມາ: ໜັງສືພິມປະຊາຊົນ
Hits: 8
