ໃນວັນທີ 1 ມັງກອນ 2022 ທາງ Microsoft ຈະຢຸດການອັບເດດແອັບພິເຄຊັນ OneDrive ໃນອຸປະກອນ Windows 7, Windows 8 ແລະ Windows 8.1 ອີກຕໍ່ໄປ ເຊິ່ງແອັບພິເຄຊັນ OneDrive ຈະຢຸດຊິງຂໍ້ມູນກັບລະບົບຄຣາວ (Cloud) ໃນວັນທີ 1 ມີນາ 2022
ຫຼັງວັນທີ 1 ມີນາ 2022 ເອກະສານສ່ວນບຸກຄົນຈະບໍ່ຊິງຂໍ້ມູນອີກຕໍ່ໄປ ແລະຫາກໃຜທີ່ຍັງຕ້ອງການ ຫຼືຈໍາເປັນໃຊ້ງານ OneDrive ໃນ Windows ເກົ່າເຫຼົ່ານີ້ ແມ່ນໃຫ້ເຂົ້າເຖິງຂໍ້ມູນໂດຍກົງເທິງເວັບໄຊ, ໂດຍທາງ Microsoft ກໍ່ໄດ້ແນະນຳໃຫ້ອັບເກດລະບົບປະຕິບັດການໃຫ້ເປັນ Windows 10 ຫຼື Windows 11 ເພື່ອຫຼີກລ້ຽງການຢຸດການເຮັດວຽກຂອງລະບົບ
ສຳລັບເຄື່ອງທີ່ບໍ່ຕົງຕາມຄວາມຕ້ອງການຂອງລະບົບສຳລັບການອັບເດດລະບົບປະຕິບັດການ Windows 10 ແລະ Windows 11 ເຈົ້າສາມາດສຳຮອງແລະປ້ອງກັນຂໍ້ມູນໄດ້ໂດຍການອັບໂຫລດໄປເຂົ້າ OneDrive ເທິງເວັບໄຊດ້ວຍຕົນເອງແລະແກ້ໄຂການເຂົ້າເຖິງ ເພື່ອຈະສາມາດໃຊ້ງານຂໍ້ມູນໄດ້ຕໍ່ໄປ
ທັງນີ້ Microsoft ກໍ່ຕ້ອງການທີ່ຈະເນັ້ນພັດທະນາຊັບພະຍາກອນ ແລະລະບົບປະຕິບັດການໃຫມ່ໆ ແລະເພື່ອໃຫ້ຜູ້ໃຊ້ໄດ້ຮັບປະສົບການທີ່ທັນສະໄຫມ ພ້ອມກັບມີຄວາມປອດໄພທີ່ສຸດ